Տեղական ինքնակառավարման մարմինների՝ 2022 թ. սեպտեմբերի 25-ին կայանալիք ընտրությունների պատշաճ կազմակերպման նպատակով ՀՀ ոստիկանության անձնագրային և վիզաների վարչության համապատասխան համայնքը սպասարկող տարածքային անձնագրային ծառայությունները աշխատելու են 2022 թվականի օգոստոսի 21-ին՝ կիրակի ոչ աշխատանքային օրը, ժամը 10.00-17.00-ն:
Այս մասին տեղեկացրին ոստիկանության լրատվության և հասարակայնության հետ կապերի վարչությունից՝ հավելելով, որ դա պայմանավորված է «Հայաստանի Հանրապետության ընտրական օրենսգիրք» սահմանադրական օրենքով սահմանված գործառույթներն իրականացնելու համար:
«Նշված օրերին այլ ծառայություններ չեն մատուցվելու»,-նշված է հաղորդագրության մեջ:
