Հայաստանի չեմպիոնն Երևանի «Փյունիկն» ավարտեց երևանյան մրցելույթները եվրագավաթների խաղարկության որակավորման փուլերում։ Օգոստոսի 18-ին մեր չեմպիոնը Եվրոպա լիգայի փլեյ-օֆֆի առաջին հանդիպումն անցկացրեց մոլդովական «Շերիֆի» հետ։ Պատասխան հանդիպումը տեղի կունենա օգոստոսի 25-ին Քիշնևում։ Արդեն գարնանը «Փյունիկը» կսկսի ելույթը խմբային փուլում։ Մնում է հասկանալ հայկական ակումբը ելույթ կունենա Եվրոպայի, թե Կոնֆերենցիաների լիգայի խմբային փուլում։ Պարտտվելու դեպքում Եղիշե Մելիքյանի գլխավորած թիմը հանդես կգա Կոնֆերենցիաների լիգայում։ Հիշեցնենք, որ «Փյունիկը» պայքարը սկսել էր Չեմպիոնների լիգայի որակավորման առաջին փուլից որտեղ պայքարից դուրս էր թողել Ռումինիայի չեմպիոն «Կլուժին»։
Երևանում ոչ-ոքի 0։0 խաղալուց հետո «Փյունիկը» պատասխան հանդիպումն ավարտել էր 2։2 հաշվով և առավելության հասել հետխաղյա 11 մետրանոց հարվածաշարում։ Որակավորման երրորդ փուլում մերոնք հաղթեցին Լյուքսմբուրգի չեմպիոն «Դյուդելանժին»։ Երևանում «Փյունիկը» զիջել էր 0։1 հաշվով սակայն պատասխան խաղում առավելության հասել խոշոր 4։1 հաշվով։ Որակավորման երրորդ փուկում «Փյունիկը» երկու հանդիպումների արդյունքում 7։0 հաշվով զիջել էր Սերբիայի չեմպիոն «Ցրվեննա Զվեզդային»։ Բելգրադում կայացած հանդիպումն ավարտվել էր 5։0, իսկ երևանյան մրցավեճը 0։2 հաշվով։ Ուշագրավ և անհավանական վիճակագրություն․ «Փյունիկը» եվրագավաթային խմբային փուլում է հայտնվում առանց սեփական հարկի տակ գեթ մեկ գոլ խփելու։ Պատկերն իսկապես անհավանական է։ Հայաստանի չեմպիոնը Երևանում արդեն իսկ անց է կացրել եվրագաթային 4 հանդիպում և չի կարողացել գրավել մրցակցի դարպասը։ Անցկացրած 7 հանդիպումներում «Փյունիկը» խփել է 6 գնդակ և բոլորը մրցակցի հարկի տակ։ Հիշեցնենք, որ անցյալ տարի Հայաստանի չեմպիոն «Ալաշկերտը» հանդես եկավ Կոնֆերենցիաների լիգայի խմբային փուլում։ Այս թիմն իր հերթին էր գրանցել անհավանական արդյունք։ «Ալաշկերտը» ևս պայքարը սկսել էր Չեմպիոնների լիգայի որակավորման առաջին փուլից մրցելով Ուելսի չեմպիոն «Կոնաս Կի Նոմադսի» հետ։ Մրցակցի հարկի տակ առաջին հանդիպումն ավարտվել էր ոչ-ոքի 2։2, իսկ պատասխան խաղում «Ալաշկերտը» լրացուցիչ ժամանակում խփելով հաղթական գոլը առավելության էր հասել 1։0 հաշվով։ Որակավորման երկրորդ փուլում Հայաստանի չեմպիոնը երկու հանդիպումների արդյունքում 1։4 հաշվով զիջել էր նույն «Շերիֆին»։
Հայտնվելով Եվրոպա լիգայի որակավորման երրորդ փուլում «Ալաշկերտը» մրցեց Ղազախստանի չեմպիոն «Կայրաթի» հետ։ Ալմաթիում հայկական թիմը հանդիպումն ավարտել էր ոչ-ոքի 0։0։ Երևանյան խաղի հիմնական ժամանակն ավարտվել էր 2։2 հաշվով, իսկ լրացուցիչ ժամանակում «Ալաշկերտը» խփել էր հաղթական գոլը։ Եվրոպա լիգայի փլեյ-օֆֆում «Ալաշկեևտը» երկու հանդիպումների արդյունքում 0։1 հաշվով զիջել էր Շոտլանդիայի չեմպիոն «Ռեյնջերսին»։ Կոնֆերենցիաների լիգայի խմբային փուլում «Ալաշկերտին» հաջողվել էր վաստակել ընդամենը մեկ միավոր Երևանում ոչ-ոքի խաղալով իսրայելական «Մաքքաբիի» հետ։ Փաստորեն, «Ալաշկերտը» Կոնֆերենցիաների լիգայի խաղարկության խմբային փուլում էր հայտվել, որակավորման փուլերում չտանելով ոչ մի հաղթանակ հիմնական ժամանակում։
Ավելին եվրագավաթներում անցկացնելով 12 հանդիպում հանդիպում «Ալաշկերտը» ոչ մի հաղթանակ չէր տարել խաղի հիմնական ժամանակում։ Ինչև, օրեր անց «Փյունիկը» կփորձի հաղթահարել «Շերիֆի» արգելքը և պատմության ընթացքում առաջին անգամ խաղալ Եվրոպա լիգայի խմբային փուլում։ Հավատում ենք, որ մեր չեմպիոնին կհաջողվի առանց Երևանում գոլ խփելու գրանցել իսկապես պատմական հաջողություն։
