ՌԴ դեսպանատունը անընդունելի հայտարարություն է արել, պետք է տրվի համարժեք պատասխան: «Առաջին լրատվական»-ի հետ զրույցում ԱՄՆ-ում ՀՀ նախկին փոխդեսպան Արմեն Խարազյանը:
Ըստ Խարազյանի՝ ՌԴ դեսպանատան հայտարարությունը ժամանակավրեպ է, չի ընկալում հայաստանյան իրողությունները և հակառակ է միջազգային իրավունքի բոլոր նորմերին․ «Հայաստանը ժողովրդավարական ուղի է ընտրել, մարդկանց խոսքի ազատությունը չի վերահսկում: ՌԴ-ն թերագնահատում է հայ հասարակության ներքին ուժը․ անընկալելի են այն արժեքները, որով ՀՀ-ն կառուցում է իր պետականությունը: Խոսքը ՌԴ համար չունի այն արժեքը, ինչ Հայաստանի համար: Այդ հայտարարությունը անարձագանք թողնելը կնշանակի կամ ՀՀ-ն խուսափում է ՌԴ հետ սուր հարցեր քննարկել կամ կարծում է կանցնի կգնա: Եթե Երևանը պահպանի լռություն և չարձագանքի հայտարարությանը, Մոսկվայի կողմից կընկալվի թուլության նշան»:
Խարազյանը կարծում է, որ ժամանակն է, որ Հայաստանում ընկալում լինի, որ Հայաստանն ու Ռուսաստանը դաշնակիցներ չեն․ «ՀՀ ղեկավարության նվիրվածությունը ՌԴ-ին միանգամայն անընդունելի է: Չի կարելի ինտեգրացվել մի պետության հետ, որի խնդիրը քո պետության ոչնչացումն է: Ռուսաստանը Հայաստանին դարձնում է ծիծաղի առարկա, անիմաստ ժամանակ է վատնվում «սիրաբանության» վրա: ՀՀ իշխանության նվիրվածությունը ՌԴ-ին պետք է կանխվի»:
