Իրանի պատասխանը Գործողությունների համատեղ համապարփակ պլանի (ԳՀՀՊ) վերականգնման առաջարկություններին, որն օգոստոսի 15-ին ուղակվել Է Եվրամիությանը, կենտրոնացած Է պատժամիջոցների հարցի եւ տնտեսական երաշխիքների վրա:
Օգոստոսի 16-ին այդ մասին հաղորդում Է Politico թերթը՝ վկայակոչելով անունը չհայտնած արեւմտյան պաշտոնյայի: Արեւմտյան ներկայացուցչի խոսքով՝ պատասխանը «հիմնականում կենտրոնացած Է այն չլուծված հարցերի վրա, որոնք կապված են պատժամիջոցների հետ, եւ տնտեսական փոխգործակցության երաշխիքների վրա»: Նա նաեւ հայտնել Է, որ պատասխանի մեջ «չկան հետագա պահանջներ» Ատոմային Էներգիայի միջազգային գործակալության (ԱԳԱՏԷ) հետաքննության նկատմամբ միջուկայն նյութի ծագման վերաբերյալ, որի հետքերը վերջին տարիներին հայտնաբերվել Էին մի շարք օբյեկտներում:
Հրատարակությունը հիշեցնում Է, որ Թեհրանն ավելի վաղ պնդում Էր, որ հետաքննությունը վերջնականապես փակվի: Օգոստոսի 11-ին The Wall Street Journal թերթը հայտնել Է, որ ԵՄ-ի դիվանագետները կազմել են Իսլամական Հանրապետության հետ միջուկային գործարքի վերականգնման շուրջ փաստաթղթի ավարտուն տեքստի նախագիծը: Այդ տեղեկատվության համաձայն՝ Բրյուսելը Թեհրանին առաջարկել Է զիջումներ այն հետաքննության հարցում, որը վերաբերում Է Ատոմային Էներգիայի միջազգային գործակալության (ՄԱԳԱՏԷ) կողմից հայտնաբերված միջուկային նյութին, որի ծագումն իրանական կողմը չի պարզաբանել, հաղորդել Է ՏԱՍՍ-ը: