Ապրում ենք հիբրիդային պատերազմի ժամանակաշրջանում: «Առաջին լրատվական»-ի հետ զրույցում նշեց մշակութային մարդաբան Աղասի Թադևոսյանը:
Անդրադառնալով «Սուրմալու»-ի պայթյունին, Թադևոսյանը նշեց, որ անվտանգային կանոնների պահպանումը կառավարման խնդիր է. «Հանրային վարքագծային անգրագիտությունը գալիս է քաղաքական վերնախավից: Պաշտպանվելու մի միջոց կա` հանրությանը գրագետ վարքագծային կանոններ սովորեցնելն է: «Սուրմալու»-ի դեպքը առանձին դեպք չէ, այն կարող է անընդհատ կրկնվել: Հրազդանի կիրճում ևս կան սառեցված աղետներ»: Թադևոսյանը կարծում է, որ Երևան քաղաքը գնում է դեպի աղետ. Շինարարությունը խժռում է մայրաքաղաքը: