«Սուրմալու» առևտրի կենտրոնում պայթյունի հետևանքով մոտ 30 վիրավոր կա ու մեկ զոհ:Այս մասին դեպքի վայրում լրագրողների հետ զրույցում հայտնեց Արտակարգ իրավիճակների նախպարար Արմեն Փամբուխչյանը։
Նրա հաղորդմամբ զոհը մոտ 40 -45 տարեկան տղամարդ է.
«Այս պահին պատճառների մասին ոչինչ չեմ կարող ասել, մոտ երեսուն վիրավոր կա, հենց երկու կնոջ, որոնք երկու քույր էին, իրենց կարողացանք փլատակների տակից դուրս բերել, բավական ծանր վիճակում տեղափոխվեցին հիվանդանոց։ Մինչ այդ էլի տեղափոխվածներ կան, մեկ հաստատված զոհ կա, աշխատակից է, թե ոչ չենք կարող ասել։ Ուղղակի զոհ»,–ասաց նախարարը։