Գորիսում տեղի է ունեցել Արտաշեսյան փողոցի և խաղահրապարակի բացման հանդիսավոր արարողությունը։ Փողոցի նորոգումն իրականություն է դարձել 2021 թվականի սուբվենցիոն ծրագրով՝ կառավարություն-համայնք համաներդրմամբ․ իրականացվել է 139 մլն դրամի աշխատանք, որից 62 մլն դրամը կառավարության ներդրումն է, 77 մլն դրամը՝ համայնքինը։ Իսկ խաղահրապարակը կառուցվել է Գորիսի համայնքապետարանի ու միջազգային դոնորների համագործակցությամբ։
Այնուհետև Շուռնուխ բնակավայրում կայացել է Գորիսի համայնքապետարանի կողմից վերակառուցված բնակելի շենքի նորամուտը, տնօրհնեքի արարողությունն ու բանալիների հանձնումն այստեղ բնակություն հաստատող 4 ընտանիքներին։ Շուռնուխում միջազգային գործընկերների աջակցությամբ բացվել են նաև մանկական զարգացման կենտրոն, երիտասարդական կետրոն ու մանկական խաղահրապարակ։
