Մոսկվան նախատեսում է մինչև օգոստոսի վերջ կազմակերպել բարձր մակարդակի եռակողմ շփումներ հայ-ադրբեջանական կարգավորման տարբեր թեմաներով, հայտնել է Ռուսաստանի ԱԳՆ ներկայացուցիչ Իվան Նաչաևը: Ավելի վաղ Եվրամիության խորհրդի նախագահ Շառլ Միշելը հայտարարել էր, որ Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը կարող են հանդիպել Բրյուսելում։ Հանդիպման ստույգ օրը դեռևս չի հաղորդվում։ Թեմայի շուրջ «Առաջին լրատվական»-ը զրուցել է քաղաքագետ Սարո Սարոյանի հետ:
Սարոյանի խոսքով՝ այսօր Սյունիքի շուրջ աշխարհում թեժ պայքար է․ «Սյունիքը այսօր կարևոր կետ է դարձել: Նոր աշխարհակարգի կառուցման գործընթաց է, որում մեծ դեր է ունեցել նաև 44-օրյա պատերազմը: Նոր աշխարհակարգում առանձին տերություններ չեն էլ լինելու»:
Քաղաքագետի գնահատմամբ՝ Հայաստանը որպեսզի նոր աշխարհակարգում տեղ ունենա, պետք է ճիշտ քաղաքականություն վարի, լինի սուբյեկտ․ «Պետական համակարգում գտնվող մարդիկ անհամապատասխան են: Նոր աշխարհակարգում մեր փոխարեն են որոշում: Հարավային Կովկասին տեր է նա, ով Հայաստանին տեր է. մեր նշանակությունը շատ բարձր է»: