2020թ. պատերազմից հետո Ռուսաստանի ներկայությունը Հայաստանի, իսկ մեծ հաշվով՝ հայության կյանքում էականորեն ավելացավ՝ պայմանավորված պատերազմի արդյունքների, Արցախում խաղաղապահ ուժերի տեղակայման ու անվտանգության խնդիրների հետ: Այս զգալիորեն ավելացած ներկայությունն իր հետ բերեց Ռուսաստանի, հայ-ռուսական բարեկամության մասին քննարկումների խիստ ծայրահեղացում՝ բացասական և դրական երանգներով: Թեմայի շուրջ «Առաջին լրատվական»-ը զրուցել է քաղաքական մեկնաբան, տնտեսագետ /Պրահա/ Բագրատ Առաքելյանի հետ:
Առաքելյանի խոսքով՝ այն թեզը, որ ռուսները մեր փրկիչներն են, միֆ է․ դե ֆակտո օկուպացված ենք․ «Ռուսների հետ կապված միֆը շարունակվում է: Ռուսաստանի հետ մեր նպատակները չեն համընկնում․ Հայաստանը շարժվում է ժողովրդավարական ճանապարհով»: Ըստ Առաքելյանի՝ Հայաստանում Սփյուռքի մասնակցությունը շատ քիչ է, մեղավորը օրենքներն են․ «Սփյուռքում մտահոգ են՝ ինչպես Հայաստանը հանեն այս ճգնաժամից: Մենք օրենսդրությամբ եզրափակել ենք ժողովրդի իրավունքները: Հայաստանն այսօր հսկայական ձևափոխումների կարիք ունի: Կան ինչ-որ պատճառներ, որ ռեֆորմները կոսմետիկ են»:
