Ինչպես գրում է RBC-ն, անցյալ շաբաթվա գլխավոր իրադարձությունն անկասկած կարելի է համարել Դաշնային պահուստային համակարգի ղեկավար Բեն Բերնանկեի ելույթը Ջեքսոն Հոլում: Այս ելույթին, որպես բացահայտումի, սպասում էին շուկաները, և քննարկման գլխավոր թեման «N3 քանակական մեղմացման» (QE3) հնարավոր մեկնարկն էր: ԴՊՀ ղեկավարի կողմից նոր պարտատոմսերի գնման ծրագրին էին սպասում ներդրողները:
Այդպիսի հույսերի համար առիթներ շատ են եղել. շուկաների իրավիճակը անկմանը մոտ է, ԱՄՆ տնտեսությունը կրկին տեղապտույտ է տալիս, իսկ Եվրոպայի և Ճապոնիայի տնտեսական դրությունն արտաքին շուկաների հաշվին վերածննդի հույս չի ներշնչում: Սպասումներն ուժգնացրել էր նաև պատմական զուգահեռը. ուղիղ մեկ տարի առաջ նույն Ջեքսոն Հոլում ԴՊՀ ղեկավարը հայտարարել էր խնայողական QE2-ի մասին, որը շուկաների համար ապահովել էր մրցակցություն 9 ամսվա համար:
Սակայն այս անգամ Բ.Բերնանկեն իր ելույթում եղել է ավելի խուսափողական և ինչպես միշտ՝ անկանխատեսելի: Նա խոստովանել է, որ ԱՄՆ տնտեսությունը աճում է նախատեսվածից փոքր-ինչ վատ, իսկ նրա աճը խափանող գործոնները պարզվեց, որ ժամանակավոր չէին: Հիմնական խնդիրները մնում են գործազրկությունը և լճացումը անշարժ գույքի շուկայում,- նշել է նա: Դրա հետ կապված Դաշնային պահուստային ֆոնդը ՀՆԱ-ի հետ կապված կանխատեսումը մոտակա եռամսյակներին իջեցրել է:
Այսպիսով, Բ.Բերնանկեն շուկաներին չի զրկել ԴՊՀ-ի կողմից հերթական փրկարար միջամտության հույսից, բայց իզուր սպասումների հույսեր էլ չի տվել՝ թողնելով իրավիճակը օդից կախված:
Միաժամանակ Բ.Բերնանկեն հասկացրել է, որ իրեն վստահված կազմակերպությունը վերջին ժամանակներս հոգնել է ԱՄՆ ՀՆԱ-ն ճահճից հանող տնտեսական գերմարդու իր դերից:
