Glass Lewis & Co եւ Institutional Shareholder Services (ISS) երկու ազդեցիկ կոնսալտինգային ընկերությունները Tesla Inc-ի բաժնետերերին կոչ են անում՝ դեմ քվեարկել ընկերության դիտորդական խորհրդի երկու տնօրենների վերընտրմանը:
Խոսքը Այրա Էրենփրայսի եւ Քեթլին Ուիլսոն-Թոմփսոնի մասին Է, հաղորդել Է MarketWatch-ը՝ վկայակոչելով Glass Lewis-ի եւ ISS-ի եզրակացությունը:
Կոնսալտինգային ընկերությունների տվյալներով՝ Էրենփրայսը եւ Քեթլին Ուիլսոն-Թոմփսոնը որպես Tesla-ի կառավարման եւ նշնակումների կոմիտեի անդամներ չեն իրականացրել այն առաջարկներից մեկը, որոնք բաժնետերերի կողմից հավանության են արժանացել անցյալ տարի:
Նրանք պետք Է վերակազմեին խորհուրդը եւ փոփոխություններ մտցնեին տնօրեններին ընտրելու քաղաքականության մեջ: Առաջարկի համաձայն, յուրաքանչյուր տնօրենի լիազորությունների ժամկետը պետք Է երեքից կրճատվեր մինչեւ մեկ տարի, բայց Tesla-ն այն կրճատել Է մինչեւ երկու:
Glass Lewis-ի եւ ISS-ի եզրակացության մեջ նշվում Է, որ ընկերության նման վերաբերմունքը գոհացուցիչ չԷ, այն դեպքում, երբ այն չի հայտնել բաժնետերերի մեծամասնության ձայները հաշվի չառնելու պատճառները: Tesla-ի բաժնետերերի ամենամյա ընդհանուր ժողովը կկայանա օգոստոսի 4-ին, հաղորդել Է «Ինտերֆաքս»-ը:
