«Ժառանգություն» կուսակցության առաջնորդ, ՀՀ ԱԳ նախկին նախարար Րաֆֆի Հովհաննիսյանն օրերս ունեցած ասուլիսում հրապարակել է ազգային վստահության խորհրդի իր կազմած ցուցակը, որը, նրա խոսքով, պետք է հիմք դառնա ապագա կառավարության, իսկ ամիսներ անց` նոր ընտրությունների համար։ Րաֆֆի Հովհաննիսյանը ժամանակավոր կառավարության իր տարբերակում ընդգրկել է հետևյալ անձանց՝ Արման Թաթոյան, Արկադի Մանուկյան, Վազգեն Մանուկյան, Ավետիք Չալաբյան, Պարույր Հայրիկյան, Ռուբեն Վարդանյան, Գևորգ Գևորգյան, Լիլիթ Գալստյան, Մհեր Գրիգորյան, Համբարձում Մաթևոսյան, Աննա Գրիգորյան, Արմեն Դարբինյան, Վահան Արծրունի, Գագիկ Գինոսյան, Բագրատ Սրբազան, տեղեկացնում է Sputnik Արմենիան։ Հովհաննսիյանը միաժամանակ նշել է, որ ցուցակում ներառված անձանց հետ չի խոսել, նրանք իր այդ տեսակետի մասին տեղյակ չեն։
Սրա վերաբերյալ Ստյոպա Սաֆարյանն իր ֆեսբուքյան էջում գրառում էր կատարել, որ ասում էր որ Րաֆֆի Հովհաննիսյանի ցուցակը միանգամայն շոկի է ենթարկել իրեն։ «Ժամանակին հիանում էի, երբ միջազգային հանդիպումներում գեղեցկագույնս ջատագովում ու փաստարկում էր Հայաստանի և Արցախի ինքնիշխանության համար։ Հիմա պարզվում է՝ իր կադրային բանկում լավագույններից են Հայաստանի համար Ռուսաստանի կազմում Թաթարստանի մոդելը նախընտրող Ռուբեն Վարդանյանը, «Ռուսաստանի հետ ավելի բարձր ինտեգրացիա» թեզի ու ռուսական տրիկալորի գույների ներքո քարոզարշավ տանող Հայաստան խմբակցության պատգամավորուհին: Մնացածը դեկորացիա են: Թե այսպիսի ցուցակի դեպքում ռուս խաղաղապահներն ինչի՞ էին արգելում Արցախ գնալը: Ամեն ինչ տեղն էր…»:
Այս մասին «Առաջին լրատվական»-ը խոսել է ԳԽ պատգամավոր Ազատ Արշակյանի հետ, որի կարծիքով՝ Երևանի խանության գրավումից հետո Հայաստանում ոչ մի քաղաքական իշխանություն չի եղել ոչ ռուսամետ, իսկ այն գործիչներն էլ, որոնք եղել են ոչ ռուսամետ ինչպիսիք են՝ Խաչատուր Աբովյանը, Եղիշե Չարենցը, Նժդեհը և այլք, հայտնվել են բանտերում կամ զոհվել: Հայաստանում շուրջ երկու հարյուր տարի է միայն ռուսամետ քաղաքական ուժերն են իշախանության գլուխ գալիս, մնացած բոլորը, որոնք դեմ են եղել ու հակառակվել՝ ոչնչացվել են: Մանդատ ունեցողների գերակշիռ մեծամասնությունն էլ է եղել ու կա ռուսամետ, Ռուսաստանի կողմից նշանակված կամ թույլ տրված, օրինակ՝ Ալեքսանդր Մյասնիկյանը, Կարեն Դեմիրճյանը և այլք:
Արշակյանի խոսքով՝ այն մարդիկ, գործիչները, որոնք ապրում են Ռուսաստանի Դաշնությունում ու տեղի քաղաքացի են՝ ոչ միայն ռուսամետ են, այլև պատանդ են Ռուսաստանում համայն հայության համար: Երբ ոչ ռուսաստանաբնակ հայերը ուզում են որևէ բան անել, հայտարարություններ տարածել, որևէ կերպ դրսևորվել, արտահայատել իրենց գաղափարները՝ անպայման հաշվի են առնում, որ մի քանի միլիոն հայ պատանդ կա Ռուսաստանում, այդ թվում և այն մարդիկ, որոնք Ռուսաստանում չեն ապրում և ՌԴ քաղաքացի չեն: Փաստ է մնում այն, որ ոչ ոքի հայտնի չէ, թե այդ պատանդ կոչվածներն իրենց ինչպես կդրսևորեին, եթե լինեին ազատ ու ոչ պատանդի կարգավիճակում:
1991 թվականի սեպտեմբերի 21-ին Սովետական Հայաստանի քաղաքացիների 99 տոկոսը ոչ ասաց Ռուսաստանին և նրա հետ կապը կտրուկ խզեց՝ հայտարարելով, որ դուրս են գալիս ռուսական տիրապետության տակից, այսինքն՝ հեռանում են լծից ու գաղութատիրությունից: Ընդհանուր առմամբ, մասնակիցներից 2 մլն 405 հազար մարդ ցանկանում էր դուրս գալ Ռուսաստանի տիրապետության տակից, այն լծից, որը տարիներ շարունակ ծառացել էր հայ մարդու առաջ, իսկ ընդամենը 10 հազար 42 հոգի դեմ էր դրան: Ցավալի է, բայց մինչև օրս էլ բոլորս պատանդ ենք Ռուսաստանին:
Արշակյանի խոսքով՝ ինքը դատապարտում է բոլոր նրանց, որոնք ռուսական թեզով շարժվելով՝ ճնշում են գործադրում մեր ազատության ու անկախության վրա, սակայն հասկանում է, որ երբ թույլ ես տալիս, ինչպես Սովետական միության քաղաքացիներին, որոնք բղավում էին, որ չեն ուզում կեղծել, որ կեղծում են, երբ ասում են ռուսասեր են, այդ մարդիկ առաջվա պես մեկ է մնում են կեղծավորներ, այսինքն՝ հիմա էլ կեղծավորներ են, ինչպես շատ տարիներ առաջ: Հետևություն, որ բոլոր նրանք, որոնք ռուսասեր են՝ կեղծավոր են, միայն չնչին բացառություն կա. գերակշռողը մասը, մեղմ ասած, կեղծավոր է:
ԳԽ պատգամավորին հրապարակված ցուցակն այդքան էլ չի հետաքրքում ու չի զարմացրել, քանի որ տասը միլիոն մարդ, նրա խոսքով, պատանդ է, այսինքն՝ աշխարհի ողջ հայությունը, այնուամենայնիվ, դեռևս գտնվում է Ռուսաստանի տիրապետության տակ: Մի փոքր շարժվելու, գործողության դեպքում՝ կհանձնվեն Երևանը, Էջմիածինը ու դա կարվի այնպես, ինչպես արվել է 1918 ու 1920 թվականներին: Պատմությունը կրկնվելու հատկություն ունի…