«Հանուն Հանրապետության» կուսակցության նախագահ Արման Բաբաջանյանը ֆեյսբուքյան իր էջում գրել է.
Խաղաղության դարաշրջանը հնարավոր է, եթե համարժեք գնահատենք Հայաստանի ազատությանն ու անկախությանը նետված մարտահրավերները մի կողմից Ռուսաստանի, մյուս կողմից Ռուսաստանի, Թուրքիայի և Ադրբեջանի կողմից։
Խաղաղությունը հնարավոր է, եթե համահայկական կարողություններով լծվենք Հայաստանի արտաքին, պաշտպանական ու անվտանգության խնդիրների հաղթահարմանն ու ռազմական շինարարությանը։
Մշակենք սպառազինման ծրագրեր, ռազմական դոկտրին, նոր ռեգիոնալ իրողություններին, կազմավորվող նոր աշխարհակարգին համահունչ ազգային անվտանգության ռազմավարություն։
Երբ գիտակցենք, որ ստեղծված իրավիճակի հաղթահարման միակ հնարավորությունը Հայաստանի ուղղահայաց և ասիմետրիկ արդիականացումն է, ժամանակակից տեխնոլոգիաների ներդրումն ու կատարելագործումն է, տնտեսության զարգացումն է, էներգետիկ, կոմունիկացիոն և տիեզերական ենթակառուցվածքների ստեղծումը։
Հայաստանը ունի բոլոր հնարավորությունները պաշտպանելու իր ազատությունը, անկախությունը և երաշխավորելու իր քաղաքացիների անվտանգությունը, եթե ունենա քաղաքականության, գիտության, տնտեսության, արտադրության ֆունկցիոնալ շղթա։
