Որևէ երաշխիք չկա, որ ԱԹՍ-ի հարվածից ռուս խաղաղապահ չի զոհվի, դրա համար նրանք հեռու են պահում իրենց: «Առաջին լրատվական»-ի հետ զրույցում նման տեսակետ հայտնեց ՄԱՀՀԻ ասոցացված փորձագետ Դավիթ Ստեփանյանը: Ստեփանյանը նշում է, որ պետք է հասկանալ, եթե Արցախում զոհվի մեկ խաղաղապահ, կդիտարկվի հարձակում իր զորախմբի վրա և ուզի, թե չուզի կարձագանքի․ «Այս վիճակը խոսում է ռուս խաղաղապահների ամենաթողության մասին: Ռուսաստանը 2020-ի նոյեմբերի 9-ից հետո պարտքեր ունի Ադրբեջանին»:
Քաղաքագետը կարծում է,ո ր Հայաստանը վախենում է անել կտրուկ քայլեր․ «Մեր խնդիրը մեր վախերն է․ մենք վախենում ենք Ադրբեջանից, Թուրքիայից, Իրանից․ նավակի դերում ենք: Մեր նավակը մոտենում է ջրվեժին: Ժամանակն է, որ մեր ղեկավարությունը հասկանա՝ սեփական քամակից բացի կա ազգ, պետություն: Մենք ճահիճում ենք, պետք են ռադիկալ քայլեր»: