Քաղաքական գիտության Հայաստանի ասոցիացիայի գործադիր տնօրեն Բենիամին Պողոսյանի համար Ադրբեջանի ռազմավարությունը հստակ է ՝ հնարավորինս շատ հայեր դուրս գան Արցախից․ «Եթե թույլ ենք տալիս Բերձորը հայտնվի Ադրբեջանի հսկողության տակ՝ արցախահայերին դնում ենք բարդ դիլեմայի առաջ: Ադրբեջանը հիմա լուծում է մարտավարական հարց՝ ռազմավարական նպատակին հասնելու համար: Ադրբեջանը այլ միջոցներով էթնիկ զտման քաղաքականություն է վարում»:
Պողոսյանի խոսքով՝ մենք գտնվում ենք ռազմական շանտաժի և պատերազմի սպառնալիքի ներքո․ «Ադրբեջանին չզայարանալու առիթներ չտալու համար ամեն կերպ խուսափում ենք քայլերից: Եթե Հայաստանը կանգնի ընտրության առաջ՝ զոհաբերել Արցա՞խը, թե՞ փրկել Հայաստանը, հարկադրված ենք զոհաբերել Արցախը»: