Այսօր՝ օգոստոսի 2-ինմ շղթայական ավտովթար է տեղի ունեցել Երևանում։ Ժամը 16։20-ի սահմաններում Mercedes Evacuator մակնիշի ավտոմեքենան Ուլնեցի փողոցում բախվել է կայանված Mercedes, Opel, Honda մակնիշի ավտոմեքենաներին և էլեկտրական ուղեփակոցին (շլագբաում)։
Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։
Օպերատիվորեն ժամանել են ՀՀ ոստիկանության պարեկային ծառայության Երևանի գնդի 3-րդ գումարտակի 3-րդ վաշտի պարեկներ Վարդան Խոցանյանը, Արմեն Օրդուխանյանն ու Վահե Գևորգյանը։
Վթարի փաստվ պարեկային ծառայության Երևանի գնդում նյութեր են նախապատրաստվում, որտեղ էլ պարզվում է վարորդների ինքնությունը։