Ռուսներին ցանկանում են զրկել ԵՄ երկրներ այցելելու հնարավորությունից:
Այս նախաձեռնությամբ հանդես են եկել Բալթյան երկրների իշխանությունները։
Լատվիայի արտաքին գործերի նախարար Էդգարս Ռինկևիչսը ԵՄ-ին կոչ է արել արգելել Ռուսաստանի քաղաքացիներին տուրիստական վիզաների տրամադրումը։
Էստոնիայի արտաքին գործերի նախարար Ուրմաս Ռեյնսալուն էլ ասել է, որ կառաջարկի Եվրամիությանը Ռուսաստանի քաղաքացիների համար փակել մուտքը դեպի միության երկրներ։ Էստոնիան դադարեցրել է նաև Ռուսաստանի քաղաքացիներին ուսանողական վիզաների և կացության թույլտվությունների տրամադրումը։
Եվրահանձնաժողովը հայտարարել է, որ ԵՄ ոչ մի երկիր չի կարող ամբողջությամբ արգելել վիզաների տրամադրումը։ Սակայն, ՌԴ ԱԳՆ-ն ընդունում է, որ ապագայում ռուսների համար կարող են դադարեցնել շենգենյան վիզաների տրամադրումը։
