Թեհրանում ՀՀ դեսպանը, կարևորելով Իրան-Հայաստան տնտեսական հարաբերությունների ընդլայնումն ասել է. «Մենք փորձում ենք Իրանի և Հայաստանի միջև առևտրային և արտահանման փոխանակումների ծավալը հասցնել մեկ միլիարդ դոլարի»։
Արևելյան Ատրպատականի անհանգապետ Աբեդին Խորամի հետ հանդիպման ժամանակ, դեսպան Արսեն Ավագյանը հայտարարել է, որ Հայաստանի համար Իրանի սահմանամերձ նահանգները առանձնահատուկ նշանակություն ունեն: Նա առաջարկել է Թավրիզում հյուպատոսական գրասենյակ հիմնել։
Իրանում ՀՀ դեսպան Արսեն Ավագյանը նշել է. «Մենք պատրաստ ենք ուղիղ հանդիպումներ անցկացնել երկու երկրների պաշտոնյաների և գործարարների միջև, և հրավիրում ենք Իրանի Արևելյան Ատրպատական նահանգի գործարարներին և պաշտոնյաներին այցելել ՀՀ Սյունիքի մարզ»:
Հայաստանի դեսպանը հավելել է «Արաքս գետն առանձնահատուկ նշանակություն ունի երկու երկրների համար, և բնապահպանական խնդիրները լուծելու նպատակով հանքերից մեկը փակվել է, որպեսզի խնդրի լուծման համար անհրաժեշտ միջոցներ ձեռնարկվեն»։
Հանդիպմանն Արևելյան Ատրպատականի նահանգապետ Աբեդին Խոռամը նահանգի պատրաստակամությունն է հայտնել հարևան երկրների, այդ թվում՝ Հայաստանի հետ հարաբերությունները ընդլայնելու ուղղությամբ: Նա ասել է. «Դիվանագիտության ոլորտում Իրանի 13-րդ կառավարության քաղաքականության մեջ առաջնային տեղ ունեն հարևանների հետ հարաբերությունները: Նահանգի ղեկավարությանը տրված են համապատասխան լիազորություններ՝ հարևան երկրների հետ առևտրային հարաբերությունների ընդլանյման համար»:
Նա նշել է. «Նահանգի մասնավոր հատվածը շատ ակտիվ է սննդի, արդյունաբերության, պողպատի, հանքարդյունաբերության, մեքենաշինական և տեխնիկական և ինժեներական ծառայությունների ոլորտներում և կարող է մասնակցել Հայաստանում իրականացվող տնտեսական և շինարարական նախագծերին»:
