Tuesday, 29 11 2022
01:06
Մունդիալ-2022․ Իրանը պարտվեց․ Անգլիան և ԱՄՆ-ը 1/8-րդ եզրափակչում են
01:00
Չինաստանն Իսրայելին և Թուրքիային կոչ է անում դադարեցնել հարձակումները Սիրիայի վրա
Ներկայացվել են Հայաստանում թրաֆիքինգի ենթարկված անձանց հիմնահարցերը
Վահագն Ալեքսանյանը և Գևորգ Պապոյանը նշանակվել են ՔՊ Վարչության փոխնախագահներ
Վրաստանում ԱՄՆ դեսպանատունը 300 հզ դոլար է տրամադրել Դադիանի իշխանների ամրոցի վերականգնմանը
Ռումբի ահազանգ՝ «Զվարթնոց» օդանավակայանում
00:30
ԱՄՆ-ն Եվրոպային ստիպում է ավելի կոշտ դիրքորոշում որդեգրել Չինաստանի հանդեպ
00:15
Գնաճն Իսպանիայում նոյեմբերին անսպասելիորեն դանդաղել է
Ղրղզստանն ու Ուզբեկստանը սահմանազատման պայմանագիր են ստորագրել
23:45
Եվրոպան պաշտպանական արդյունաբերության համար նյութերի դեֆիցիտ ունի. Euractiv
23:30
Սմոգը պարուրել է Հնդկաստանի մայրաքաղաքը, օդի աղտոտվածությունը հասել է «սաստիկ» մակարդակի
Հունվար-սեպտեմբերին ՌԴ պետբյուջեի եկամուտներն աճել են 10 տոկոսով
Գրիգոր Մինասյանը կարևորել է Եվրոպայի խորհրդի աջակցությունը դատավարական օրենսդրության կատարելագործման գործում
23:00
Իրանի նախագահն օտարերկրյա զորքերի դուրսբերումը տարածաշրջանի անվտանգության երաշխիք է համարել
Հոկտեմբերին անշարժ գույքի առուվաճառքի 3826 գործարք է իրականացվել
22:40
Մեկնարկել է Էմանուել Մակրոնի եռօրյա պետական այցն ԱՄՆ
Պետպատվերի շրջանակներում 4000 դեպքով մատուցվել է վերականգնողական ծառայություն
Փարիզը կարող է պաշտպանական ոլորտում աջակցել, եթե այդպիսի դիմում ստացվի Երևանից
Վարչապետը նոր օգնական ունի
Մարդակեր Քոչարյանը ախորժակ ունի, լծակ չունի. «Հայաստան» դաշինքը ավարտված է
Ավինյանի՝ ԱՆԻՖ-ի խորհրդի նախագահի և Երևանի փոխքաղաքապետի պաշտոնների համատեղումը չի հակասում օրենքին. պարզաբանում
Հնդկաստանի համար հարավկովկասյան ուղղությունը ինստիտուցիոնալ բնույթ ստացավ 44-օրյա պատերազմից հետո
Առաջնահերթություն է տեսչական մարմինների աշխատանքի որակի արդյունավետության բարձրացումը
«Առաջին» լրատվական-վերլուծական թողարկում
Բունդեսթագի արտաքին հարաբերությունների հանձնաժողովում ներկայացվել է տարածաշրջանում առկա մարտահրավերները
Արցախում արձանագրվել է հրադադարի խախտման մեկ դեպք, կա 2 վիրավոր․ ՌԴ ՊՆ
Պայթյուն՝ հրդեհի բռնկմամբ Նոր Խարբերդ գյուղում․ կա տուժած
Նախագահն ուղերձ է հղել Հեռուստատեսության աշխատողի օրվա առթիվ
21:00
Մունդիալ-2022․ Նիդեռլանդներն ու Սենեգալը դուրս եկան 1/8-րդ եզրափակիչ
Արտակարգ իրավիճակ՝ Երևանում հայտնի «Ռիո Մոլ» առևտրի կենտրոնում. քաղաքացիները տարհանվել են

Սառը պատերազմ տաք Աֆրիկայում. արագացած զարկերն ու Հայաստանի ձեռքը

Համաշխարհային մամուլն ու փորձագետները արձանագրում են Աֆրիկայի ուղղությամբ աճող աշխարհաքաղաքական դիմակայության ինտենսիվացումը: Դրա դրսևորում է դիտարկվում այն, որ անցնող օրերին աֆրիկյան ուղղությամբ ինտենսիվ աշխատում էին Ռուսաստանը, Ֆրանսիան, ԱՄՆ: ՌԴ արտգործնախարարը այցելել էր մի քանի աֆրիկյան երկիր, փորձելով այնտեղ ստանալ ռուսական քաղաքականության աջակցություն և ամուր կապեր:

Աֆրիկա էր այցելել Ֆրանսիայի նախագահ Էմանուել Մակրոնը, ինչը հատկապես հատկանշական է նրա՝ եվրոպական և ուկրաինական ուղղությամբ համեմատական պասիվության ֆոնին: Միացյալ Նահանգները Աֆրիկա էր գործուղել ԱՄՆ ՄԶԳ ղեկավար, ամերիկյան քաղաքականության վերջին տարիների «ուղեծրում» բավականին նշանակալի դեր ունեցած, ՄԱԿ-ում ԱՄՆ նախկին ներկայացուցիչ Սամանթա Փոուերին: Իսկ ՄԱԿ-ում ԱՄՆ ներկայիս դեսպանը Աֆրիկա կմեկնի առաջիկա օրերին: Աֆրիկյան մայրցամաքը, ըստ օրինակ Ամերիկայի ձայնի բնորոշման, դառնում է նոր «սառը պատերազմի» մի թատերաբեմ: Թերևս չկա նաև զարմանալի ոչինչ, հաշվի առնելով, որ մեծ հաշվով տեղի է ունենում աշխարհի վերաբաժանում, աշխարհակարգի վերակառուցում, հետևաբար դրանից չի կարող դուրս մնալ մի ամբողջ մայրցամաք, իր՝ իհարկե ծանր խնդիրներով, բայց նաև շոշափելի ռեսուրսներով:

Նկատենք, արձանագրվում է աֆրիկյան ուղղությամբ նկատելի աշխուժություն երկրների մոտ, որոնք ԵԱՀԿ Մինսկի խմբի համանախագահության եռյակն են, որքան էլ նրանք այսօրոչ թե աշխատում են միմյանց դեմ, այլ պայքարում: Թեև, մեծ հաշվով դա էլ կարող է դիտվել աշխատանքի մաս, պարզապես ռեժիմի փոփոխությամբ՝ ով ինչի կարող է հասնել, մինչև «կլրանա ժամանակը»: Այդ տեսանկյունից, այն հարաբերակցությունը, որ ձևավորվում է կամ կարող է ձևավորվել աֆրիկյան ուղղությամբ պայքարի արդյունքում կամ հետևանքով, անխուսափելի ուղիղ, թե անուղղակի ազդեցություն է թողնելու այլ ռեգիոնների, այդ թվում Կովկաս-մերձավորարևելյան աշխարհաքաղաքական «կլաստերի» հանդեպ: Հետևաբար, Աֆրիկայում տեղի ունեցողը միայն աշխարհագրորեն կարող է թվալ Հայաստանից շատ հեռու: Տնտեսա-քաղաքական և անգամ ռազմա-քաղաքական իմաստով դա շղթայի մի մաս է, եթե հաշվի առնենք և այն, որ աֆրիկյան դերակատարների մի զգալի մասը դերակատար են նաև այլ ռեգիոններում, ինչպես օրինակ Եգիպտոսը, որն իհարկե ոչ միայն աֆրիկյան, այլ նաև արաբական աշխարհի առանցքային գործոն է՝ մերձավորարևելյան և միջերկրծովյան «ճառագայթումով»: Այդպիսով, հայկական քաղաքական հրամայականների շարքը համալրվում է մի ուղղությամբ, որն իհարկե Հայաստանի տեսադաշտում հայտնվել է դեռևս 2019 թվականին: Այդ ժամանակ էր, երբ Հայաստանի կառավարությունը կայացրեց Թել Ավիվում և Ադիս-Աբեբայում դեսպանատներ հիմնելու մասին որոշում: Ադիս-Աբեբան լոկ Եթովպիայի մայրաքաղաքը չէ, իսկ Եթովպիան էլ դեպի մերձավորարևելյան ազդեցության գոտի «տարածվող» տնտեսա-քաղաքական գործոններից չէ:

Ադիս-Աբեբան ինչ որ իմաստով աֆրիկյան քաղաքական ներուժի տրանսֆորմացիայի խորհրդանշական օրինակ է, միևնույն ժամանակ՝ Ադիս-Աբեբան Աֆրիկյան միության կենտրոնակայանն է: Միություն, որը ներառում է աֆրիկյան մայրցամաքի երկրները: Կորոնավիրուսը, համաշխարհային ճարակը և դրա բերած տնտեսա-քաղաքական «լոքդաունը», ինչպես նաև Արցախի դեմ 44-օրյա պատերազմական ագրեսիան իհարկե Հայաստանին թելադրեցին դիվանագիտական աշխատանքի մի ռեժիմ, որում աֆրիկյան ուղղության նկատմամբ ուշադրության նվազումը թերևս դառնում էր անխուսափելի, թեև հենց պատերազմի ընթացքում՝ 2020 թվականի հոկտեմբերի 13-ին եղավ օրինակ ուշագրավ մի տեղեկություն այն մասին, որ Հոկտեմբերի 13-ին ՀՀ ԱԳ նախարարի՝ Ռուսաստանի Դաշնություն պաշտոնական այցի շրջանակներում, տեղի ունեցավ ՀՀ ԱԳ նախարարի խորհրդական, դեսպան Ռուբեն Կարապետյանի հանդիպումը Մերձավոր Արևելքում և Աֆրիկայում ՌԴ նախագահի հատուկ ներկայացուցիչ, ՌԴ ԱԳ նախարարի տեղակալ Միխայիլ Բոգդանովի հետ: Հանդիպման ընթացքում զրուցակիցները նաև մտքեր էին փոխանակել Մերձավոր Արևելքում և Հյուսիսային Աֆրիկայում իրադրության շուրջ: Այդուամենայնիվ, Հայաստանը թերևս օբյեկտիվորեն ստիպված էր դիվանագիտական ներուժը կենտրոնացնել պատերազմի անհրաժեշտություններից բխող ուղղությունների վրա, որոնց շարքում Աֆրիկան իհարկե բացակայում էր: Ներկայումս սակայն, աֆրիկյան ուղղությունը թերևս կպահանջի ուշադրություն և աշխատանք, ձեռքն առնվազն տաք մայրցամաքում «սառը պատերազմի» զարկերակին պահելու և դրանից բխող մարտահրավերները կառավարելու, իսկ հնարավորությունները՝ օգտագործելու համար:

Բաժիններ
Ուղիղ
Լրահոս
Որոնում