Ամեն տարի Հայաստանում 70-100 երեխա քաղցկեղով հիվանդանում է, բուժելիությունը 70-75 տոկոս է: «Առաջին լրատվական»-ի հետ զրույցում նշեց Հայաստանի երեխաների առողջության հիմնադրամ – HFC Armenia Արմեն (Արմոս) Մարտիրոսյանը:
Վերջինս նշեց, որ անում են առավելագույնը, որ մանկական քաղցկեղով հիվանդությունները բուժվեն Հայաստանում․ «Այդ ոլորտում հեղափոխություն է: Սուր լեյկոզը բավականին լավ մեզ մոտ բուժվում է, եթե չի առաջանում փոխպատվաստման խնդիր արտասահման չենք դիմում: Եղել է դեպք, որ լյարդի փոխպատվաստման կարիք ունեցող երեխան մահացել է»:
Մարտիրոսյանի խոսքով՝ Հայաստանի երեխաների առողջության հիմնադրամը ագրեսիվ զարգանում է․ «Հայաստանի երեխաների առողջության հիմնադրամի ամենամեծ կապիտալը ոչ միայն վստահությունն է, այլ հանրային լինելը: Հայաստանի երեխաների առողջության հիմնադրամը որևէ կախվածություն չունի անձանցից: Հայաստանի երեխաների առողջության հիմնադրամը օգնում է մինչև 18 տարեկան երեխաներին, և ոչ միայն քաղցկեղով հիվանդ երեխաներին»:
Ի դեպ Արմեն Մարտիրոսյանը հայտնեց, որ մոտակա օրերին Հայաստանում բավականին լուրջ վիրահատություն է իրականացվելու: