Ազգային գերագույն նպատակը պետք է լիներ Հայաստանի կայացումը, ոչ թե Ցեղասպանության ճանաչումը: «Առաջին լրատվական»-ի հետ զրույցում նշեց World Vision Հայաստան կազմակերպության ծրագրերի տնօրեն, հրապարակագիր Րաֆֆի Դուդակլյանը:
Դուդակլյանը կարծում է, որ Սփյուռքի հիմնական սերնդի համար Սփյուռքը ժամանակավոր կառույց է ու պետք է վերադառնալ հայրենիք. «Եթե չենք ուզում հիմա ապրել Հայաստանում, ապա ինչպես ենք երազում ինքնիշխան Հայաստան: Հեռվից տեսնել ու սիրել հայրենիքը հայրենասիրություն չէ, պետք է հողի վրա ապրելով սիրես: Սփյուռքում ու Հայաստանում կուսակցությունները ունեն իրենց հաշիվները, գզվռտոց է, որից տուժում է պետականությունը: Եթե պետականության վերականգնման համահայկական ռազմավարություն չկա, դանդաղ առաջընթաց ենք ունենալու»:
