Հայաստանում 2022թ. առաջին կիսամյակում տնտեսական ակտիվության ցուցանիշը (ՏԱՑ) 11,8%-ով աճել է 2021-ի առաջին կիսամյակի համեմատ։ ՀՀ էկոնոմիկայի նախարար Վահան Քերոբյանն իր ֆեյսբուքյան էջում տնտեսական ցուցանիշներ է հրապարակել։ Թեմայի շուրջ «Առաջին լրատվական»-ը զրուցել է ACSES վերլուծական կենտրոնի տնօրեն, տնտեսագետ Հայկազ Ֆանյանի հետ:
Տնտեսագետը պարենային անվտանգության տեսանկյունից որոշակի ռիսկեր է տեսնում, թեև կառավարությունը փորձում է զսպել:
Տնտեսագետի փոխանցմամբ՝ՌԴ ԿԲ-ն պայքարելով ինֆլացիայի դեմ, շահագրգռված է, որ ռուսական ռուբլին արժևորված լինի․ «Ռուսական ռուբլու արժևորվածությունը մեր տնտեսության վրա էական է լինելու: Աննախադեպ տրանսֆերտներ ենք ստանում ՌԴ-ից, ռեկորդային տվյալներ են արձանագրվել: Մինչև նոյեմբեր-դեկտեմբեր ռուսական ռուբլին ավելի արժևորված կլինի, քան մինչև պատերազմը»:
Ֆանյանի խոսքով՝ այնպես չէ, որ վատ վիճակում ենք, բայց կան ռիսկի գործոններ, որոնք վտանգավոր են, օրինակ ամենամեծ վտանգը տնտեսագետը համարում է պատերազմը, որը մեզնից կախված չէ: