Խորհրդարանական ընդդիմությունը հայտարարել է, որ եթե անգամ վերադառնա խորհրդարան ապա միայն իր սեփական օրակարգով։ Թեմայի շուրջ «Առաջին լրատվական»-ը զրուցել է «Քաղաքացու որոշում» կուսակցության գործադիր մարմնի անդամ Միքայել Նահապետյանի հետ:
Վերջինս հռետորական հարց հնչեցրեց՝ Իսկ 21 թվականի ընտրություններից հետո ում օրակարգով էր ընդդիմությունը խորհրդարանում․ «Այս ընդդիմությունը գործում է Փաշինյանի օրակարգով․ պետք է պատասխանեն՝ մինչ այդ ում օրակարգն էր: Եթե սեփական օրակարգ ասելով՝ նկատի ունեն Փաշինյանին անվստահություն հայտնելու օրակարգը, համոզված եմ՝ դա ևս Փաշինյանի օրակարգն է: Խորհրդարանական ընդդիմությունը երեք խնդիր է լուծում՝ անձնական, տնտեսական ու արտաքին»:
Միքայել Նահապետյանը կարծում է, որ 21թվականի ընտրություններով սկիզբ դրվեց անդառնալի մի պրոցեսի՝ ՀՀ քաղաքական դաշտի ամայացման: Սակայն Նահապետյանը վստահ է, որ տարբեր ուժեր փողոցում խնդիր են դնելու ու լուծեն հարցերը, որը քանդելու է պառլամենատական ընդդիմության շենքի հիմքերը: