Եթե Պաշտպանութւյան Նախարարությունը լուծում է արտաքին անվտանգության խնդիրները, ապա ներքին մարտահրավերները Արտակարգ իրավիճակների նախարարության գործառույթի շրջանակներում են։ Եվ խնդիրները, որպես կանոն, ամռանը ավելանում են։ Այս և այլ թեմաների շուրջ «Առաջին լրատվական»-ը զրուցել է ՀՀ ԱԻՆ նախարար Արմեն Փամբուխչյանի հետ:
Նախարարը մի քանի ոլորտային հարցերի անդրադարձավ, նշեց, որ անտառային հրդեհների վտանգ կա, արտակարգ ռեժիմով են աշխատում, հերթապահություն իրականացնում միայն հանրային լողափերում․ մինչ օրս 20 կանչ է եղել:
Փամբուխչյանը նաև հայտնեց, որ կառավարության կողմից Հայաստանում առաջին անգամ ԱԻՆ-ին մեծ գումար է հատկացվում հատուկ տեխնիկայի գնման համար, ձեռք են բերվելու ամենագնաց մեքենաներ: Հարցին, որ ԱԻՆ-ի հիմքի վրա ՆԳՆ է ստեղծվում, արդյոք չի քաղաքականացվում ԱԻՆ-ը, նախարարը նշեց, որ ՆԳՆ ստեղծումը մեծ օգուտ է տալու․ «Համատեղելու ենք ուժերը: Նախարարը քաղաքական պաշտոնյա է, բայց ոստիկանն ու փրկարարը ապաքաղաքական են․ բախում չի լինի»: