Գլխավոր խնդիրը, որ Հայաստանը չի ապրում պարտված երկրի օրակարգով: «Առաջին լրատվական»-ի հետ զրույցում նշեց «Հայեր» մեդիահարթակի հիմնադիր, գլխավոր խմբագիր Արայիկ Մանուկյանը՝ անդրադառնալով Երևանի քաղաքապետ Հրաչյա Սարգսյանի՝ քաղաքը ժամը յոթից արթնացնելու առաջարկին:
Մանուկյանի բնորշմամբ՝ քաղաքապետի առաջարկները շատ հաճախ սարկաստիկ բնութ են կրում․ «Ժամը յոթին արթնանան ինչ անեն, երբ մետրոյի վագոններում խցկված մարդկանց տեսարանը խմբակային սեքսի տեսարան է հիշեցնում: Ժամը յոթին մարդիկ արթնանան ինչ անեն, երբ հասարակ մենեջմենթ չունեք, ոտքով գնա՞ն: Եթե պետության մակարդակով եք ուզում երկիրը շուտ աշխատի, ուրեմն դրա համար որոշում կայացրեք»: Ըստ Մանուկյանի՝ Հայաստանն այսօր օրակարգ չունի․ «Չենք հասկանում՝ ուր ենք գնում: Վանոն ասում էր՝ երբ գլխակեր բարքերով է երկիրը ապրում, չի կարող աղետ չլինել․ հոկտեմբերի 27-ից մեր երկրում գլխակեր բարքեր են»: