«Վրաստան է գալիս եվրոպացի խորհրդարանականների պատվիրակությունը և այդ պահին ինչ-որ անհավանական բան է տեղի ունենում, մամուլի խոսնակները Բրյուսելում և Վաշինգտոնում միաժամանակ ասում են մեզ՝ «սովորե՛ք ինչպես վարվել»,- ասել է Վրաստանի նախագահ Սալոմե Զուրաբիշվիլին։ «Դգիս թեմա» («Օրվա թեմա») հաղորդաշարին տված հարցազրույցում։
«Ես չգիտեմ, թե մինչև երբ մենք պետք է շարունակենք այս երկակի խաղը, թե իբր ձևացնում ենք, թե ուզում ենք գնալ դեպի Եվրամիություն, ուզում ենք այն, ինչ կոչվում է թեկնածուի կարգավիճակ, ուզում ենք ստանալ այն, ինչ ստացել են Ուկրաինան և Մոլդովան։ Իսկ միևնույն ժամանակ ոչ միայն չենք անում այն, ինչ պետք է անել (12 կետերը)։ Առայժմ չի երևում, որ բոլոր ուժերը պատրաստ են դրան, բայց միևնույն ժամանակ մենք ոչ միայն չենք անում դա, այլ անում ենք հակառակը։ Սկսած այն բանից, որ դեն են նետել Շառլ Միշելի փաստաթուղթը, չեղյալ են հայտարարել տարվա ընթացքում ձեռնարկած բոլոր քայլերը, վարկի բավականին կոպիտ հրաժարումը:
Վերջին տարվա ընթացքում ձեռնարկված ցանկացած քայլ բացասաբար է գնահատվում ԵՄ-ի կողմից։ Եվ դրա հետ մեկտեղ անհավանական հռետորաբանություն է ընթանում: Այսինքն՝ մենք լսում ենք եվրախորհրդարանականների վրա անվերջ հարձակումներ»,-հայտարարել է Սալոմե Զուրաբիշվիլին։
