Պետդումայի նախագահ Վյաչեսլավ Վոլոդինն առաջարկել է պատգամավորների և պաշտոնյաների արձակուրդները կրճատել մինչև պահանջվող նվազագույնի։ Այս մասին նա լրագրողներին ասել է հուլիսի 22-ին։
«Ճիշտ կլիներ, ելնելով ժամանակի մարտահրավերներից, պատգամավորների և պաշտոնյաների ստանձնած պատասխանատվությունից, նրանց արձակուրդները նվազագույնի հասցնել Ռուսաստանի Դաշնության աշխատանքային օրենսգրքով», – ՏԱՍՍ-ը մեջբերել է Վոլոդինի խոսքերը:
Նա նշել է, որ քաղաքական գործիչները չպետք է արձակուրդ ունենան, իսկ բոլորը, ովքեր պետական ծառայության մեջ են, պետք է օրինակ վերցնեն ՌԴ նախագահ Վլադիմիր Պուտինից, ով չի ընդհատում իր աշխատանքը։
Հիշեցնենք, որ Հուլիսի 7-ին Կրեմլի խոսնակ Դմիտրի Պեսկովը հայտարարել էր, որ Պուտինը արձակուրդային ծրագրեր չունի։
