Վարորդների մի մասին գազաբալոնի վկայագիր չեն տրամադրում. պետությունը հերթական թերի օրենքն է մշակել: Գազաբալոնների վկայագրման նոր կարգավորումը վարորդների մի մասին գլխացավանքի մեջ է գցել: Տարածքային կառավարման և ենթակառուցվածքների նախարարության ավտոմոբիլային տրանսպորտի քաղաքականության լիցենզավորման և թույլտվությունների վարչության պետ Խաչիկ Սողոմոնյանի խոսքով՝ կարգավորումը ուժի մեջ է մտնում ոչ թե օգոստոսի 1-ից, այլ այն գործում է փետրվարի 16-ից սկսած: Այդ ժամանակվանից ի վեր տեղեկացվում էր, որ գազալցկայանները պետք է պահանջեին համապատասխան փաստաթղթերը, բայց դա չէր ենթադրում որևէ պատասխանատվություն, եթե որևէ տրնասպորտային միջոց չուներ վկայագրում՝ խնդիր չէր: Գործընթացը պետք է իրականացվեր այնպես, որ տրանսպորտային միջոցը գազալցակայանում ներկայացներ վկայագիրը, որը կհավաստեր՝ իր մեքենայի վրա տեղադրված գազաբալոնը վկայագրված է, իսկ ինչ վերաբերում է օգոստոսի 1-ից ուժի մեջ մտնող կարգավորմանը, ապա սույն ժամկետից ուժի մեջ է մտնում գազաբալոնների վկայագրման հետևյալ պահանջը՝ եթե գազաբալոնը վկայագրված չէ՝ տրանսպորտային միջոցը չի կարող լիցքավորվել լիցքավորման կայանում, իսկ լիցքավորման դեպքում՝ կայանը կտուգանվի: Ցավոք, կարգին մեծ ուշադրություն չի դարձվել ու խստացումից հետո մարդիկ նոր են սկսել զբաղվել այդ ուղղությամբ, որի հետևանքով կայանները ծանրաբեռնված ռեժիմով են աշխատում: Այն վարորդները, որոնք դեռ չեն կատարել վկայագրում՝ պետք է պարտադիր մոտենան լիցենզավորված կայաններ՝ վկայագրման: Կայանների ցանկն ու վայրը տեղադրված է նախարարության պաշոտնական կայքում:
Վկայագրման սկզբում ստանալու են թղթով հավաստումը և դրան զուգահեռ այդ տվյալները մուտքագրվելու են էլեկտրոնային շտեմարան, որն այս պահին պատրաստ է և կայանների մեծ մասը միացված են դրան, որոշներն էլ այդ ընթացքի մեջ են: Ցանկալի է, որ վարորդները սկզբնական շրջանում թղթային տարբերակն իրենց մոտ պահեն՝ գազալցկայաններում լիցքավորելու համար, իսկ գազալիցքավորման կայանները շուտով կմիացվեն այդ շտեմարանին ու հնարավորություն կունենան ստուգելու տվյալ տրանսպորտային միջոցի գազաբալոնը վկայագրված է, թե ոչ:
Նշենք, որ այն տրանսպորտային միջոցները, որոնք գազաբալոնները տեղադրել են նախկինում վկայագրում ստացած կայաններում և դա եղել է գործող օրենսդրությանը համապատասխան և իրենց վկայագրերը դեռևս ուժի մեջ են՝ խնդիրներ չեն լինի, պարզապես պետք է մոտենալ ու այդ տվյալները մուտքագրել էլեկտրոնային շտեմարան: Օրինակ՝ եթե այդ հավաստումը գործում է մինչև 2023 թվականի մայիսը, ապա այն ուժի մեջ է և կարիք չի լինելու վկայագրման: Գազաբալոնների վկայագրման ժամկետները ըստ տեսակների՝ կարգավորված է Կառավարության որոշումով, հիմնական ժամկետը 2 տարին է:
