Միջանցքը կարմիր գիծ է Իրանի համար, որը երբեք չի հանդուրժի: «Առաջին լրատվական»-ի հետ զրույցում նշեց բրիտանա-իրանցի հայ աշխարհագրագետ, քարտեզագետ Ռուբեն Գալիչյանը:
Գալիչյանի խոսքով՝ Իրանը իր հյուսիսում ունի Նախիջևանին և Ադրբեջանին, որոնք նրա համար վստահելի չեն․ «Այսօր Հայաստանը միակ վստահելի ուժն է Իրանի համար, որը հակառակ Թեհրանի չի գործի: Իրանը ամեն ինչ կանի, որ միջանցք չլինի»:
Քարտեզագետը նաև հիշեցրեց, որ Ադրբեջանը ստեղծման օրվանից Պարսկաստանի Ատրպատականից պահանջներ ունի․ «Այսօր Բաքվի քաղաքականությունն այն է, որ Պարսկաստանի Ատրպատականը միացվի Ադրբեջանին»:
