Irene փոթորկի հետևանքով զոհերի թիվն ավելանում է: Ինչպես հաղորդում է CNN-ը, զոհերի թիվը հասել է 10-ի, որից երկուսը երեխաներ են: Նյու-Յորքի քաղաքապետը զգուշացրել է քաղաքի բնակիչներին տներից դուրս չգալ, բնակչության մի զգալի հատվածի տարհանումն արդեն անհնար է:
Միաժամանակ տեղեկություններ են ստացվում այն մասին, որ Նյու-Յորքում փոթորիկը կոտրել է էլեկտրասյուներ, ինչի արդյունքում խնդիրներ են առաջացել էլեկտրամատակարարման հետ:
Մասնագետները պնդում են, որ փոթորկի ուժգնությունն ավելանալու է, քանի որ այն շատ դանդաղ է տեղաշարժվում:
Նյու-Յորքի փողոցները դատարկվել են, հասարակական տրանսպորտն ընդհանել է իր աշխատանքը:
Որոշ արկածախնդիրներ որոշել են «դիմավորել» փոթորկին և ափ են ուղևորվել: