Հայկական արբանյակը գործում է 100 տոկոսով: Սա միակ հայկական արբանյակը չի լինելու մոտակա տարիներին, որ տիրապետելու ենք: «Առաջին լրատվական»-ի հետ զրույցում հայտնեց Բարձր տեխնոլոգիական արդյունաբերության նախարարի տեղակալ Ավետ Պողոսյանը:
Նրա փոխանցմամբ՝ այս պահին հայկական արբանյակը անցնում է տեխնիկական տեստեր:
Պողոսյանը նաև հայտնեց, որ երկիր մոլորակի ուղեծիրում կա 2600 արբանյակ, որոնք հիմնականում կատարում են երկրի հեռավար դիտարկման գործողություններ․ «Այն հազվադեպ երկրներից ենք, որ չունենալով տիեզերքում փորձ, առաջին հաջող փորձերն ենք անում»: