Խորհրդարանի նախագահի որոշմամբ կհրավիրվի ԱԺ արտահերթ նիստ, որի օրակարգում ընդդիմությանը մանդատներից զրկելու համար ՍԴ դիմելու հարցն է: Նախաձեռնությունը վերաբերում է բոլոր պատգամավորներին, բացառությամբ միայն «Պատիվ ունեմ» խմբակցությունից դուրս եկած Իշխան Զաքարյանի և Թագուհի Թովմասյանը:Թեմայի շուրջ «Առաջին լրատվական»-ը զրուցել է «Հանուն Հանրապետության» կուսակցության քաղաքական խորհրդի անդամ Արտաշես Խալաթյանի հետ:
Խալաթյանի դիտարկմամբ՝ եթե հավակնում ենք դառնալ իրավական պետություն, օրենքի պահանջները չպետք է սակարկման առարկա դառնան․ «Պատգամավորների մանդատազրկման հարցը դառնում է դամոկլյան սուր: Օրենքի պահանջի չկատարումը դանդաղ գործող ռումբ է ցանկացած իշխանության հիմքում: Իշխանությունը կամա թե ակամա պատգամավորներին նահանջի տեղ է թողնում: Ընդդիմադիր պատգամավորներին նահանջի տեղ չպետք է թողնել:Սա մի քաղաքական խմբավորում է, որի նպատակը խարխլել պետականության հիմքերը»:
Խալաթյանը կարծում է, որ խորհրդարանական ճգնաժամի խորացումը իշխանության պլանների մեջ չի մտնում: