Մոսկվայի մարզի Ռամենսկի թաղամասի «Սաննի Բիչ» ավանում կառուցվող տան փլուզման հետևանքով ՀՀ քաղաքացի է մահացել, որը տեղում զբաղվել է շինարարությամբ։
Ինչպես գրում է МК.ru լրատվականը, բժիշկներին չի հաջողվել շտապ առաջին օգնություն ցուցաբերել, քանի որ ստիպված են եղել սպասել փրկարարներին։
Կառուցվող տունը, որտեղ աշխատում էին երկու շինարար, դեռ կիսակառույց է եղել՝ բարձրացված են եղել միայն պատերն ու բետոնե սալերի միջնահատակները: Երկու աշխատողներն էլ եղել են առաջին հարկում, երբ տանիքը փլվել է, սակայն նրանցից մեկը կարողացել է հետ ցատկել, իսկ մյուսը չի հասցրել և մնացել է բետոնե սալի տակ:
Միջադեպի ականատեսները զանգել են շտապօգնությունը, որը արագ ժամանել է, սակայն բժիշկները սպասել է փրկարարների ժամանելուն, որպեսզի կարողանան հասնել տղամարդուն: Երբ փրկարարները բարձրացրել են փլատակները, պարզվել է, որ տղամարդն արդեն մահացած է:
Ենթադրվում է, որ փլուզման պատճառ են դարձել հորդառատ անձրևները:
Տղամարդու մահվան դեպքի առթիվ Մոսկվայի մարզի Քննչական կոմիտեի գլխավոր քննչական վարչությունում հետաքննություն է անցկացվում։