Ուկրաինայի արտգործնախարար Դմիտրի Կուլեբան ՆԱՏՕ-ին մեղադրել է Կիևին դաշինք ընդունելու հարցում խոչընդոտներ ստեղծելու մեջ։ Այդ մասին նա հայտարարել է ՆԱՏՕ-ի կողմից Շվեդիայի և Ֆինլանդիայի անդամակցության հաստատումից հետո։ Կուլեբան հիշեցրել է, որ Ուկրաինային մերժելու փաստարկներից մեկն այն է, որ ՆԱՏՕ-ի և Ռուսաստանի միջև նոր սահմանի ի հայտ գալը կարող է հանգեցնել սրացման։
«Այսինքն, բոլոր փաստարկներն այն մասին, թե ինչու հնարավոր չէ Ուկրաինային ՆԱՏՕ մտցնել, զրոյացվել են։ Սա այն է, ինչի մասին մենք անընդհատ խոսում էինք, որ իրենք այս ամենն արել են՝ մեզ ինտեգրելու ցանկության բացակայությունն արդարացնելու համար»,- ասաց նա։