«Քննարկվում են Թուրքիայի և Հայաստանի հարաբերությունների կարգավորման շրջանակներում ձեռնարկվելիք քայլերը». Apa.az-ի Ստամբուլի թղթակցի փոխանցմամբ՝ այս մասին ասել է Թուրքիայի արտգործնախարար Մեվլութ Չավուշօղլուն։
«Մյուս կողմից՝ մենք ցանկանում ենք Ադրբեջանի և Հայաստանի հարաբերությունների կարգավորում և խաղաղության պայմանագրի ստորագրում, քանի որ տարածաշրջանում կայուն խաղաղություն է անհրաժեշտ։ Անհրաժեշտ է բացել Զանգեզուրի միջանցքը, որը պետք է ստեղծվի Ադրբեջանի և Հայաստանի միջև ձեռք բերված պայմանավորվածության հիման վրա, ինչպես նաև՝ իրականացնել այլ տրանսպորտային նախագծեր այս երկրների միջև։ Որովհետև ուկրաինական պատերազմից հետո այս միջանցքը դարձավ ռազմավարական նշանակության»,- շեշտել է Չավուշօղլուն։
Չավուշօղլուն անդրադարձել է նաև հայկական սփյուռքին. «Հայկական սփյուռքը բաժանված է երկու մասի. մի մասը կտրականապես չի ցանկանում աջակցել կարգավորման գործընթացին, մյուս մասն աջակցում է։ Հայաստանում որոշ ուժեր հարձակվում են վարչապետի տան վրա, փողոցային գործողություններ են իրականացնում, լուրջ ճնշումներ գործադրում, և դա լուրջ խոչընդոտ է ստեղծում Ադրբեջանի և Թուրքիայի հետ Հայաստանի հարաբերությունների կարգավորման գործընթացում»։