Օրերս Վերաքննիչ դատարանն ամբողջությամբ բավարարեց ԻԱԿ-ի ստրատեգիկ նշանակության հայցն 7 քաղաքապետարանների (մարզկենտրոնների)՝ պարտավորեցնելով իրենց պաշտոնական ինտերնետային կայքերում հրապարակել Տեղեկատվության ազատության մասին օրենքով սահմանված պարտադիր հրապարակման ենթակա բոլոր 13 խումբ տեղեկությունները։
Ինչպես նշում է՝ ԻԱԿ նախագահ Շուշան Դոյդոյանի՝ սա առաջին դատական նախադեպն է Հայաստանում, որը վերաբերում է պրոակտիվ հրապարակայնությանը և հանրային իշխանության մարմնին դատական ակտի հիման վրա պարտավորեցվում է կատարել պրոակտիվ թափանցիկություն ապահովելու՝ օրենքով սահմաված պարտականությունը։
Ստորև որոշումը՝
1․ «Ինֆորմացիայի ազատության կենտրոն» հասարակական կազմակերպության վերաքննիչ բողոքը բավարարել։
Թիվ ՎԴ/10811/05/17 վարչական գործով Հայաստանի Հանրապետության վարչական դատարանի 2018 թվականի դեկտեմբերի 19-ի վճիռը բեկանել և փոփոխել․
«Տեղեկատվության ազատության մասին» ՀՀ օրենքի 7-րդ հոդվածի 3-րդ և 5-րդ մասերով նախատեսված պարտականությունները չկատարելու ձևով դրսևորված Աշտարակի, Արմավիրի, Գավառի, Հրազդանի, Կապանի, Եղեգնաձորի և Իջևանի քաղաքապետարանների անգործության ոչ իրավաչափ լինելու հիմքով պարտավորեցնել Աշտարակի, Արմավիրի, Գավառի, Հրազդանի, Կապանի, Եղեգնաձորի և Իջևանի քաղաքապետարաններին ինտերնետային կայքերում հրապարակելու «Տեղեկատվության ազատության մասին» ՀՀ օրենքի 7-րդ հոդվածի 3-րդ մասով սահմանված 13 խումբ տեղեկությունները:
Այս մասին «Առաջին լրատվական»-ը խոսել է Շուշան Դոյդոյանի հետ, որի խոսքով այս դատական պրոցեսը շատ երկար է տևել ու այդ տարիներին չի կորցրել իր արդիականությունը։ Առաջին դիրտարկումը ՏԻՄ մարմինների կայքերն էին՝ հասկանալու համար, թե նրանք որքանով են թարմ ու ամբողջական տեղեկատվություն տալիս հանրությանը, արդյունքում արձանագրել են, որ յոթ քաղաքապետարանների պաշտոնական կայքերում չի հրապարակվում պարտադիր հրապարակման ենթակա տեղեկությունները, որն է սահմանաված է տեղեկատվության ազատության մասին օրենքի 7-րդ հոդվածի 3-րդ մասով։ Դրանք 13 պունկտ տեղեկություններ են, որոնք ցանկացած պետական և ՏԻՄ մարմին պարատվոր է հրապարակել՝ փոփոխությունների դեպքում տասնօրյա ժամկետում, իսկ եթե չկան փոփոխություններ՝ տարին առնվազն մեկ անգամ։
Արձանագրվեցին խախտումները և հայտ ներկայացվեց դատարան, որպեսզի դատարանի որոշման հիման վրա պարտավորվեն այդ մարմինները կատարել այն, ինչ օրենքով պարատավորված են։ Առաջին ատյանը մերժեց հայցը՝ համարելով այն, որ այդ հարցում դատարանն անելիք չունի։ Որոշումը բողոքարկվեց Վերաքննիչ դատարանում և հինգ տարի անց դատարանը որոշում կայացրեց ամբողջությամբ բավարարել հայցը՝ պարտավորեցնելով ՏԻՄ-ին հրապարակել բոլոր այն տեղեկությունները, որոնք թերացման պատճառով չեն հրապարակել և փոխհատուցել վճարված պետական տուրքի գումարը։
Դեռևս ուժի մեջ չի մտել դատական որոշումը։ Տիկին Դոյդոյանն ասում է, որ երբ ուժի մեջ մտնի ու նրանք կրկին պարտավորվածությունները չկատարեն՝ կդիմեն Հարկադիր կատարմանը, որպեսզի հարկադիր ձևով իրկանացվի դա։Այս ընթացքում հետևելու են նրանց պաշտոնական կայքերին՝ տեսնելու որքանով են լուրջ ընդունել։ Սա իր տեսակով առաջին դատական նախադեպն է։
