Հեռուստառադիո հանձնաժողովի նախագահ Տիգրան Հակոբյանը, ով վերջերս գտնվում էր Լիտվայում, Լիտվայի հեռուստատեսության և ռադիոյի հանձնաժողովի հետ կնքել է համագործակցության մասին համաձայնագիր, մշակել հետագա քայլերի, համատեղ գործունեության վերաբերյալ միջնաժամկետ ծրագիր:
Հակոբյանի խոսքով՝ Լիտվայում ստեղծված է շատ հիմնավոր օրենսդրական բազա եթերում ապատեղեկատվության եւ «ատելության խոսքի» դեմ պայքարի համար․«Լիտվայում նվազագույնի է իջեցված պատեղեկատվությունը, մանիպուլյատիվ հնարքները, ապատեղեկատվության դեմ պայքարում է ամբողջ հասարակությունը: Լիտվայում հեռուստաընկերությունները գործում են շատ թափանցիկ, միայն գովազդի շնորհիվ: Հայաստանը կօգտվի Լիտվայի փորձից, ինչ-որ բաներ կվերցվեն ու կիմպլենտացվեն մեր օրենսդրության մեջ»:
Հակոբյանը «Առաջին լրատվական»-ին փոխանցեց նաև, որ այսօր ՀՌՀ-ը նիստ է գումարել և ընդունել վարչական ակտ 5-րդ ալիքի նկատմամբ․ տնօրենի հետ եղել է կոնստրուկտիվ բանավեճ: