Մալթայում ընթացող փոքր եկրների Եվրոպայի առաջնության երկրորդ տուրում Հայաստանի ազգային հավաքականը երկրորդ անընդմեջ հաղթանակը տարավ։ Ռեքս Քալամյանի թիմն այս անգամ 78։66 հաշվով առավելության հասավ Սան Մարինոյի նկատմամբ։ Հիշեցնենք, որ երեկ մեր հավաքականը 100։63 հաշվով ջախջախիչ հաշվով հաղթել էր Ջիբրալթարին։
Այսպիսով, ցույց տալով 100 տոկոսանց արդյունք Հայաստանի ազգային թիմը հաղթող ճանաչվեց B ենթախմբում և դուրս եկավ կիսաեզրափակիչ։ Վաղը կայանալիք քառորդ եզրափակչի հանդիպումներից հետո հայտնի կդառնա մեր մրցակիցը։ Կիսաեզրափակիչ հանդիպումները տեղի կունենա հունիսի 2-ին։