Ադրբեջանի նախագահ Իլհամ Ալիևը, ելույթ ունենալով Բաքվում Չմիացածների շարժման խորհրդարանական ցանցի համաժողովի բացմանը, հայտարարել է, որ ԵԱՀԿ Մինսկի խումբը մահացած է և դրա մասին հետագա շահարկումները կործանարար կլինեն տարածաշրջանում հնարավոր խաղաղության համար: Թեմայի շուրջ «Առաջին լրատվական»-ը զրուցել է Ռազմաքաղաքական հարցերով փորձագետ Հրաչյա Արզումանյանի հետ:
Փորձագետի խոսքով՝Ալիևը հետևողականորեն մեզ սպառնում է պատերազմով․ «Ալիևը խոսում է այն, ինչ ուզում են ասել Ռուսաստանն ու Թուրքիան: Հայկական կողմը խաղաղության օրակարգի հետ կապված այլ ծայրահեղությունների գրկում է: Ադրբեջանը ժամանակ է շահում, որ պատրաստվի պատերազմի: Բաքուն դիվանագիտությունը օգտագործում է իր ռազմական կառույցները ուժեղացնելու համար, իսկ ինչ է անում Հայաստանը: Պետք չէ առաջնորդվել դեկլարացիաներով, Հայաստանը պետք է գործի, ցույց տա, որ ուժեղանում է:Բանակում բարեփոխումներ են պետք, մենք ինքնիշխանության հարց ունենք»:
