Հայաստանի հանրությունը զարմանում, կամ արդեն չի էլ զարմանում պետական դավաճանության այն գործերի բացահայտումից, որի մասին հայտնում է Հայաստանի կամ Արցախի ԱԱԾ-ն: Արցախի ազգային անվտանգության ծառայությունը հայտնել է նոր բացահայտման մասին, նշելով գործակալական ցանցի մասին: Տարբեր քաղաքացիներ, որոնք հիմնականում զինվորական ոլորտի ներկայացուցիչներ են, փողի կամ այլ նյութական շահագրգռության դիմաց տարիներ շարունակ տեղեկատվություն են փոխանցել Ադրբեջանին, արել են դա պատերազմից առաջ և շարունակել են դա պատերազմից հետո:Թեմայի շուրջ «Առաջին լրատվական»-ը զրուցել է քաղաքագետ Ռոբերտ Ղևոնդյանի և «Ինքնիշխան Հայաստան» Կուսակցության փոխնախագահ Հովսեփ Ղազարյանի հետ:
Մեր բանախոսների խոսքով՝ տպավորություն է՝ համատարած դավաճանական ցանց է գործում․ Գաղափարական դաշտում պետությունը խնդիր ունի․ «Իշխանություն-ընդդիմություն խոսույթը հասարակությանը կոտրում է: Սահմաններ կան, որոնք անցել ենք․ հետ նայելու և վերարժևորելու կարիք ունենք: Մեր պարտության պատճառներից մեկն էլ այն էր, որ հասարակությունը միասնական չէր»:
Ի դեպ Ղևոնդյանը նշեց, որ դեպքեր կան, որ հակառակորդին լրտեսական առաջարկությունները եղել են հենց մեր կողմից: