Բասկեըտբոլի Հայաստանի ազգային հավաքականը փայլուն հաղթանակով սկսե ելույթը փոքր երկրների Եվրոպայի առաջնությունում: Մեր ընտրանին առաջին տուրում մրցեց Ջիբրալթարի հավաքականի հետ: Բոլոր քառորդներում ունենալով մեծ առավելություն՝ Հայաստանի թիմը հաղթեց խոշոր 100:63 հաշվով: Հանդիպման ամենաարդյունավետ խաղացող է ճանաչվել Անդրե Սպայթ Մկրտչյանը: Նա վաստակել է 30 միավոր, 2 անգամ տիրել օղակից անդրադարձող գնդակին և կատարել 5 արդյունավետ փոխանցում: Հիշեցնենք, որ Հայաստանի հավաքականը ընդգրկված է B ենթախմբում Ջիբրալթարի և Սան Մարինոյի հետ: Այսօր Երևանի ժամանակով 18։15-ին Հայաստանի ազգային հավաքականը կմրցի Սան Մարինոյի։ Վերջինս առաջին խաղում 61։47 հաշվով հաղթել էր Ջիբրալթարին։ Այսօր հաղթելու դեպքում Ռեքս Քալամյանի թիմը խմբում կզբաղեցնի առաջին հորիզոնականը և միանգամից կտիրանա կիսաեզրափակչի ուղեգրին։
Մրցաշարի կանոնակարգի համաձայն A և B ենթախմբերում առաջին հորիզոնականները զբաղեցրած հավաքականները անմիջապես դուրս են գալիս կիսաեզրափակիչ։ Ենթախմբերում երկրորդ հորիզոնականները զբաղեցրած հավաքականները քառորդ եզրափակչում մրցում են վերջին՝ 3-րդ հորիզոնականները զբաղեցրած թիմերի հետ վիճարկելով կիսաեզրափակչի մյուս երկու ուղեգրերը։ Եվ այսպես, կրելով երկրորդ անընդմեջ Ադրբեջանի ազգային հավաքականն արդեն իսկ «ապահովել» է խմբում վերջին հորիզոնականը А ենթախմում ։ Առաջին տուրում Մալթային 71։73 հաշվով զիջելուց հետո ադրբեջանցիները երեկ 69։72 հաշվով պարտվեցին Անդորրային։ Փաստորեն, եթե Հայաստանի հավաքականը այսօր պարտվի Սան Մարինոյին, վաղը ստիպված կլինի Ադրբեջանի հետ վիճարկել կիսաեզրափակչի ուղեգիրը։ Նշենք սակայն, որ այսօրվա խաղում մեր ազգային թիմի հաղթելու հնարավորությունը բավական մեծ է։ Երեկ համոզվեցինք, որ Հայաստանի հավաքականը հանդիսանում է այս առաջնության գլխավոր ֆավորիտը։ Մեր գլխավոր թիմում երեկ նորամուտը նշեց Ֆրանսիայիչեմպիոն ԱՍՎԵԼ-ի ներկայացուցիչ Քրիս Ջոնսը, որը էապես ուժեղացրել է խաղի որակը։ Փայլուն խաղով աչքի ընկավ նաև Անդեր Սփաթ-Մկրտչյան։
Վստահաբար կարող ենք ասել Ջոնս-Մկրտչյան խաղայի զույգը ուժեղագույնն է ընթացիկ առաջնությունում։ Իրենց բարձրության վրա էին նաև Ալբերտ Թադևոսյանը, Արկադի Մկրտչյանը և Զաք Թավիթյանը։ Ջիբրալթարի դեմ մրցավեճի վերջին քառորդում Ռեքս Քալամյանը հանգստանալու հնարավորություն տվեց թիմի առաջատարներին։ Մասնավորապես հանդիպման վերջնամասում Հայաստանի հավաքականը ըստ էության խաղաց երկրորդ կազմով։ Նույնիսկ ոչ հիմնական կազմով մեր հավաքականը արդյունավետ գործեց։ Քալամյանին հաջողվել է ներդնել խաղային ձեռագիր և հստակ մարտավարություն, որը տալիս է շոշափելի արդյունք։ Ինչևէ, Բուքմեյքերները վստահ են, որ մեր ազգային թիմը այսօր ևս համոզիչ հաղթանակ կտանի։ Հայաստանի հաղթանակի համար սահմանված է ընդամենը 1․01 գործակից։ Մինչ դեռ Սան Մարինոյի հաղթանակը գնահատված է 17 գործակցով։ Նշենք, որ եթե վաղը Հայաստան-Ադրբեջան հանդիպումը չկայանա, ապա հայ-ադրբեջանական դիմակայություն տեսականորեն հնարավոր կլինի միայն եզրափակչում։ Ավելի ստույգ Սան Մարինոյին հաղթելու դեպքում Հայաստանի հավաքականը կիսազրափակչում կմրցի А խմբում երկրորդ հորիզոնականը և B խմում երրորդ տեղը զբաղեցրած զույգի հաղթող հավաքականի հետ։
Կրելով երկու անըդմեջ պարտություն B ենթախմբում վերջին՝ երրորդ հորիզոնականը զբաղեցրել է Ջիբրալթարի ընտրանին։ А խմբում մեկական հաղթանակ են տարել Մալթան և Անդորրան։ Այս հավաքականները այսօր միմյանց հետ մրցելով կվիճարկեն առաջին հորիզոնականը։ Ուստի վաղը Ջիբրալթարի հավաքականը կմրցի կամ Մալթայի, կամ Անդորրայի հավաքականի հետ։
