Ադրբեջանը կսկսի պատերազմը այն ժամանակ, երբ կստանա Մոսկվայի համաձայնությունը: «Առաջին լրատվական»-ի հետ զրույցում նշեց քաղաքագետ Արեգ Քոչինյանը:
Նրա խոսքով՝ Փաշինյանի ասուլիսը ուղղված էր թե ներքին, թե արտաքին լսարանին․ «Պատերազմի հավանականությունը բարձր է այնքան, որքան Ալիևը վստահ է, որ կարող է ամեն ինչ ստանալ առանց բանակցությունների: Ադրբեջանը կսկսի պատերազմը այն ժամանակ, երբ կստանա Մոսկվայի համաձայնությունը»: Քաղաքագետը կարծում է, որ մենք Արցախի հարցով բովանդակային քննարկում ու դիսկուրս չունենք․ Պետք է ի վերջո հասկանալ՝ Նիկոլ Փաշինյանը չի պարտվել, այլ Հայաստանը: Արցախի հարցով գյադայական խոսույթից դուրս չենք գալիս: Հայաստանը ընտրություն չի կատարում խաղաղության ու պատերազմի միջև․ կրկնում ենք 44-օրյայի սխալները»: