Մոլդովայի գլխավոր դատախազությունը էլեկտրաէներգիայի ապօրինի գնումների (այսպես կոչված՝ «Էներգոկոմի») գործով նոր մեղադրանք է ներկայացրել նախկին նախագահ Իգոր Դոդոնին։ Այս մասին հայտնում է Մոլդովայի գլխավոր դատախազությունը։ Դոդոնի դեմ մեղադրանքները հիմնված են 2008-2009 թվականներին էկոնոմիկայի և առևտրի նախարարի պաշտոնավարման ընթացքում նրա կատարած գործողությունների վրա։
«Նա մեղադրվում է 2008 թվականի մայիսին հրամանագիր ստորագրելու մեջ, որի հիման վրա «Էներգոկոմի» գործադիր տնօրենը, պայմանագիր կնքելով հունգարական ընկերության հետ, ուռճացված գնով էլեկտրաէներգիա է գնել՝ պետությանը պատճառելով 11,9 մլն դոլարի վնաս»,- ասվում է հաղորդագրության մեջ։