Արցախի կարգավորման, հայ-ադրբեջանական հարաբերությունների շուրջ Ռուսաստան-Արևմուտք հակամարտությունը սրվելու է: «Առաջին լրատվական»-ի հետ զրույցում նշեց ՄԱՀՀԻ ասոցացված փորձագետ Դավիթ Ստեփանյանը՝ անդրադառնալով Լավրովի հայտարարությանը:
Փորձագետի խոսքով՝ Մոսկվան հակամարտության ողջ պատասխանատվությունը փորձում է վերցնել իր վրա․ «Մինսկի խումբը միակ ֆորմատն է, որ հարցը լուծելու որոշակի հիմքեր կան: Մինսկի խմբի պահպանումը բխում է բոլոր կողմերի շահերից: Դե յուրե Մինսկի խումբ կա․ Լավրովը փորձում է սակարկել այն»: Փորձագետը կարծում է, որ Ռուսաստանին վաղ թե ուշ հիշեցնելու են 44-օրյայի օրերին իր պահվածքը:
Ըստ փորձագետի՝ Ալիևը չի ուզում ձիուց իջնել․ նա փորձում է Հայաստանի հետ խաղաղության հասնել իր պայմաններով․ «Հայաստանին ձեռնտու է տարիներով ժամանակ ձգել, մինչև Ալիևը «ձիուց իջնի»»: