Արտակարգ իրավիճակների նախարարությունը Վրաստանից տեղեկություն է ստացել, որ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար: Պատճառը Հյուսիսային Օսիայի հետ սահմանի փլուզումն է։Թեմայի շուրջ «Առաջին լրատվական»-ը զրուցել է Գյուղատնտեսության նախկին փոխնախարար Գառնիկ Պետրոսյանի և «Ագրագյուղացիական միավորում» ՀԿ նախագահ Հրաչ Բերբերյանի հետ:
Գառնիկ Պետրոսյանի խոսքով՝ ռեկորդային ծիրանի մասին խոսք չկար, սա անսպասելի էր․ արտահանումը վտանգված է․ «Մտահոգություն կա, որ խաղողի մթերման հետ կապված լուրջ խնդրի առաջ կկանգնենք: Խաղողի մթերման պայմանագրերում շատ դեպքերում գին չի ֆիքսվում : Կառավարությունը պետք է խստորեն հետևի խաղողի մթերման պայմանագրերին: Գինու, կոնյակի արտահանումների ծավալները էականորեն կրճատվել են,սա լուրջ խնդիրների է հանգեցնելու»:
Բերբերյանն էլ անդրադարձավ կարտոֆիլի գներին, նշեց, որ կարտոֆիլը 250 դրամից չի իջնելու: Նա կարծում է, որ եթե խթանում ենք արտադրությունը, գյուղացին շահույթը դնում է տնտեսության զարգացման վրա: Չի կարելի գյուղատնտեսության ոլորտը թողնել առանց կառավարման »: Բանախոսները նաև անդրադարձան արտարժույթի տատանմանը, նշելով, որ կառավարությունից ու ԿԲ-ից շատ բան կախված չէ, որովհետև դա պայմանավորված է արտաքին մարտահրավերներով, սակայն նկատեցին, որ դրամի արժևորումը հանգեցնելու է մեր տնտեսության անկմանը: