Չինական Chery ավտոկոնցեռնի «դուստրը»՝ «Չերիի Ռուս ավտոմոբիլներ» բաժնետիրական ընկերությունը, առաջիկա ամիսներին ռուսաստանյան շուկայում կսկսի Omoda բրենդի երեք մոդելների վաճառքները, ինչն ընկերության երրորդ բրենդը կդառնա ՌԴ-ում Chery-ի եւ Exeed-ի հետ միասին:
Ինչպես հաղորդել Է ընկերությունը, ՌԴ-ում Omoda-ի շարքը, որը ներկայացվում Է որպես high-middle սեգմենտի բրենդ, կընդգրկի երկու քրոսովեր եւ սեդան: Մոդելները փուլ առ փուլ շուկայում կներկայացվեն մինչեւ 2023 թվականի ամառ: Մինչեւ 2025 թվականն ընկերությունը պլանավորում Է լրացուցիչ ընդլայնել եւ նորացնել մոդելային շարքը:
«Մակնիշի համար մրցութային հիման վրա կստեղծվի անհատական գործարքառուների ցանց, որն առաջին փուլում կընդգրկի 100 գործընկերների: Ընկերության պլանների մեջ մտնում Է Է գործարքառվական համաձայնագրի կնքումը մինչեւ այս տարեվերջ, ինչի կապակցությամբ առաջիկա օրերին ընկերությունը հնարավոր թեկնածուներին հրավեր կուղարկի»,-նշվում Է Chery-ի մամուլի տեղեկագրում:
ՌԴ-ում առաջինը վաճառքում կհայտնվի Omoda C5 քրոսովերը: Չինական Chery-ն ՌԴ-ում ավտոմոբիլային մակնիշների վաճառքների գծով խոշորագույններից մեկն Է Haval-ի եւ Geely-ի հետ միասին: 2021 թվականի արդյունքներով՝ Chery-ի վաճառքները Ռուսաստանում կտրուկ ավելացել են 3,5 անգամ՝ հասնելով 40,9 հազար ավտոմեքենայի: Ընկերության բաժինը շուկայում 0,7 տոկոսից աճել Է մինչեւ 2,5 տոկոս, հաղորդել Է «Ինտերֆաքս»-ը:
