Monday, 26 09 2022
19:10
Զելենսկին աշխարհի ամենաազդեցիկ հրեան է
Փաստ է՝ ՀՀ երեք նախագահները պետության անվտանգության և շահի շուրջ չեն եկել կոնսենսուսի
Հայաստանը չի մասնակցի ՀԱՊԿ զորավարժություններին
Ղրղզստանը եւ Տաջիկստանը պայմանավորվել են տեղափոխել ծանր տեխնիկան սահմանից
Բաքվի տեռորը ՌԴ քաղաքականության լրացումն է ռեգիոնում՝ Հայաստանի հանդեպ
«Ուկրաինայի հակամարտությունը պետք է արդար ավարտվի Կիևի համար». Չավուշօղլու
Ադրբեջանական ագրեսիան բացասական ազդեցություն ունեցավ նաև ՏԻՄ ընտրությունների վրա
18:20
Բեռլուսկոնին կարող է դառնալ Իտալիայի սենատի նախագահ
Սահմանամերձ համայնքներում անորոշությունը մեծ է․ իրադրությունը ներկայացնում է Ժիրայր Ոսկանյանը
«Ազգային առաջընթաց» կուսակցությունը հայտարարում է Երևանի ավագանու ընտրություններում մասնակցելու մասին
18:10
ԱՄՆ-ը համագործակցում է ՄԱԳԱՏԷ-ի հետ միջուկային զենքի ստանդարտներին AUKUS-ի համապատասխանության հարցով
Արտառոց է և անպատշաճ. Գագիկ Ծառուկյանի քե՞ն, թե՞ հավակնություն
Թող հրեական համայնքը շարունակի իր դարավոր և անխափան ընթացքը. ՀՀ վարչապետի շնորհավորական ուղերձը Ռոշ Հաշանայի առթիվ
17:50
Շոլցը վարակվել է կորոնավիրուսով
Հուսեին Յըլդըրըմը և Աթիլլա Չիչեքը փետրվարի 23-ից գտնվել են ազատության մեջ. Հանրային պաշտպանի գրասենյակից մանրամասներ ներկայացրեցին
Հայաստան կժամանի Հունաստանի ԱԳ նախարարը
Զորքերը պետք է հետ քաշվեն այն դիրքերը, որտեղ նրանք գտնվում էին մինչև ռազմական գործողություններն սկսվելը. ՀՀ-ում Մեծ Բրիտանիայի դեսպանատուն
17:40
ՄԱԳԱՏԷ-ի ղեկավարը կհանդիպի Իրանի ատոմային գերատեսչության ղեկավարի հետ
Տիգրան Խաչատրյանը և ԱՄՀ հայաստանյան առաքելության ղեկավարը քննարկել են մակրոտնտեսական վերջին զարգացումներին առնչվող հարցեր
Այս պահից ի վեր Հայաստանը պետք է ճանաչի Ուկրաինայի տարածքային ամբողջականությունը․ Արման Բաբաջանյան
Բիշքեկը եւ Դուշանբեն կարագացնեն սահմանի ընդհանուր հատվածի նկարագրման գործընթացը
ՀԱՊԿ-ը ական է, եկել ենք կառավարությանը տեղյակ պահելու և ականազերծելու
17:10
25 մլն ԱՄՆ դոլար` մասնավոր հատվածին աջակցելու համար
Հայաստանը գոյաբանական սպառնալիքին դիմագրավելու երեք գործիք ունի․ Մեհրաբյան
17:07
Կամք՝ վերագտած կյանքն ապրելու համար
Իշխանությունը ռիսկերը կառավարելու համար է․ անվտանգության նոր բարձիկներ են պետք
16:58
Մոլդովայի նախագահը պատրաստ է քաղաքացիությունից զրկել Ռուսաստանի կողմից կռվող մոլդավներին
Ցանկացած քայլ, որ արվում է ռուս-թուրքական լծից ազատվելու համար, պետք է համախմբի ազգին․ Խզմալյան
Արցախի ՄԻՊ-ը Բելգիայի խորհրդարանականներին է ներկայացրել 44-օրյա պատերազմի ընթացքում և դրանից հետո Ադրբեջանի իրագործած ռազմական հանցագործությունները
Ամեն խաղաղ օր պետք է մամուլը հեղեղենք ՀՀ շահը ներկայացնող տեսանյութերով․ Թեհմինե Ենոքյան

Եթե երկրում վարչապետ է եղել մեկը, որը առաջնորդվել է հանցավոր պատկերացումներով, ինչու «Դոն Պիպոն» չի կարող դառնալ նրանցից մեկը

Քրեական հեղինակություն Դոն Պիպո մականունով հայտնի Արթուր Ասատրյանը, որը 2018-ից մեղադրվում է ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերով (մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը) և 235-րդ հոդվածի 2-րդ մասով (մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը), հանդես է եկել տեսաուղերձով։

Նա հայտարարել է, որ առաջնորդելու է «Հայ խաչակիրների ազատագրական շարժումը» և խոստանում է բարձր պահել հայ տղամարդու արժանապատվությունը, գործել մեր հայ եկեղեցու կանոնակարգով և առաջնորդվել հայկական ընտանիքների շահերով, օգտակար լինել իր ազգին և իր հայրենիքին։ Ուշագրավ է այն փաստը, որ տեսաուղերձում Ասատրյանը կանգնած է Հայաստանի և Ռուսաստանի պետական դրոշների ֆոնին։

Հիշեցնենք, որ Արթուր Ասատրյանը ձերբակալվել էր 2018 թվականի հունիսին և ապա ազատ արձակվել 50 մլն դրամ գրավի դիմաց։ Այժմ հետախուզման մեջ է։

«Արդար Հայաստան» կուսակցության նախագահ, փաստաբան Նորայր Նորիկյանը, անդրադառնալով տեսաուղերձին, նշեց, որ ՀՀ Սահմանադրությամբ եթե որևէ մեկը չի խախտում ՀՀ Սահմանադրությունը, օրենսդրությունը, համապատասխանում է չափանիշներին, հանդիսանում է ՀՀ քաղաքացի, կարող է զբաղվել քաղաքականությամբ, բայց ՀՀ-ում այն աստիճանի է արժեզրկվել քաղաքական կյանքը և քաղաքական գործունեությունը, այն աստիճանի է վարկաբեկվել պետական կառավարման համակարգի փիլիսոփայությունը, այն աստիճանի են որակազրկվել քաղաքականությամբ զբաղվող անձանց պրոֆեսիոնալ որակները, որ այսօր ցանկացած մեկը, որը որևէ պատկերացում չունի քաղաքական գործընթացներից, պետությունից, հասարակական հարաբերությունից, օրենսդրական հնարավորություններից, հայտ է ներկայացնում քաղաքականությամբ զբաղվելու։ Սա իրականում մեր ժողովրդի ողբերգությունն է:

«Ես չգիտեմ, թե կոնկրետ այս կամ այն անձը նման հավակնություն դրսևորելով՝ ինչ նպատակ է հետապնդում։ Հարցի մյուս երեսն ավելի կարևոր է. ՀՀ իրավապահ մարմինները վերջին տարիներին իրենց ընտրովի աշխատանքի արդյունքում ստեղծեցին մի իրավիճակ, երբ արտոնյալները ուղղակի խուսափում են քրեական պատասխանատվությունից, թաքնվում են Հայաստանի տարածքից դուրս: Փաստորեն, դուրս մնացին ՀՀ-ում պատասխանատվության ենթարկվելուց: Դա նշանակում է, որ սրանով հանդերձ այդ մարդիկ, որոնք ուղղակիորեն գտնվում են հետախուզման մեջ և փորձում են տարբեր գործընթացներ գեներացնելով տպավորություններ ստեղծել, սա իրենց մեղքը չէ, սա ՀՀ իրավապահ համակարգի կատարյալ ձախողման մասին է խոսում: Ոչ թե միայն այս անձի մասին է խոսքը, բազմաթիվ անձինք կա, որոնք իսկապես ունեն քաղաքական բնութագրեր, իսկապես քաղաքական կամ պետական կառավարման համակարգում են ընդգրկված եղել, խուսափեցին քրեական պատասխանատվությունից: Արդյունքում ՀՀ ինքնիշխանության մակարդակն այդ առումով զրոյացվեց: Այսինքն՝ մարդիկ իրենց վեր դասեցին ՀՀ Սահմանադրությունից և օրենքներից»,-ասաց Նորիկյանը:

Նրա խոսքով՝ եթե առողջ քաղաքական դաշտ լիներ, եթե իսկապես պրոֆեսիոնալները զբաղվեին քաղաքական գործունեությամբ, եթե առողջ մրցակցություն լիներ, նման պահանջարկ կամ հավակնություններ երբեք ոչ ոք չէր դրսևորի:

Հարցին՝ որքանո՞վ է սա հարված պետությանը, Նորիկյանը նշեց․ «Ես հենց դա եմ ասում: Անկախ նրանից, թե անձը ինչ վարքագիծ ու ինչ հակումներ ունի, խնդիրը հետևյալն է. պետությունը չի կատարում իր գործառույթները: Եթե դու այդ մարդուն ճանաչում ես որպես քրեական մշակույթ կրող անձ և հանդուրժում ես նրա՝ պատասխանատվությունից խուսափելու գործընթացը, չես ձեռնարկում համապատասխան միջոցներ նրան պատասխանատվության խնդիրը լուծելու համար, դու, ըստ էության, հնարավորություն ես տալիս իրեն, որ այսպիսի հավակնություններով հանդես գա: Պետության խնդիրը պետք է լինի այն, որ ինքը կարողանա հստակ գիծ գծի, որ հանցագործի տեղը բանտն է, որ օրինազանցը պետք է պատժվի, որ պետության ներսում կրթությունը, գիտելիքը, ուսումը, այդ հիմքի վրա պետական կառավարման համակարգում հայտնվելը պետք է խրախուսվի։ Ցավոք սրտի, այլ արժեքներ են տարիներ շարունակ գերենացվել․ տարիներ շարունակ մարդիկ հանցագործ պատկերացումներով թափանցեցին ԱԺ, կառավարություն, վարչապետեր ենք ունեցել, որոնք հանցավոր արժեքներով են առաջնորդվել։ Կներեք, եթե ձեր կողմից մատնանշված անձը մտածում է, որ եթե երկրում վարչապետ է եղել անձնավորություն, որը առաջնորդվել է հանցավոր պատկերացումներով, նախարարներ և պատգամավորներ են եղել, որոնց ամբողջ կենսագրությունը հանցավոր արժեքներով է լցված, ինչու ինքը չի կարող դառնալ նրանցից մեկը։ Մենք ունեցել ենք վարչապետ, որն ասում էր, որ մեծ խելք պետք չէ քաղաքականությամբ զբաղվելու համար։ Մենք հիմա էլ ենք տեսնում ԱԺ-ի որակը, մենք ունենք տառաճանաչության, տարրական ուղղագրության հետ կապված խնդիրներ ունեցող անձանց ներկայություն։ Սա մեր ընդհանուր հանրության ցավն ու ողբերգությունն է»,-ասաց նա:

Իրավապահ մարմինները, Նորիկյանի դիտարկմամբ, «աչքերը կապած» պետք է իրենց գործն անեն, որ չլինի ընտրովի արդարադատություն․

«Ես հիմա տեսնում եմ, որ ընտրովի արդարադատություն է իրականացվում, ընտրովի իբրև թե հանցավորության դեմ պայքար է իրականացվում»,-ասաց նա։

Իսկ այն, որ ՌԴ դրոշի ներքո է Արթուր Ասատրյանը այս տեսաուղերձով հանդես գալիս, Նորիկյանի համոզմամբ, սա լրջագույն հոգեբանական խնդիր է մեզնից յուրաքանչյուրի համար․ «Որ պահից մենք հասկանանք, որ ՀՀ դրոշը, գերբը, հիմնը, պետական սահմանը, ՀՀ Սահմանադրությունը, ՀՀ անձնագիրը, ՀՀ զինվորն ավելի բարձր արժեքներ են, քան ցանկացած տիպի ռազմավարական գործընկերություն, մենք այդ ժամանակ ավելի լավ պետության հիմքերը կդնենք։ Ես համարում եմ, որ օտար պետության դրոշի ներքո հանդես եկող Հայաստանը փրկող ցանկացած անձ նա գործիք է ՀՀ պետականության դեմ։ Հնարավոր չէ, որ դուք ուրիշի դրոշով, գերբով, զորքով, ուրիշի շահերով կարողանաք փրկել Հայաստանը կամ Հայաստանին որևէ հարցով օգնել»։

 

 

 

 

 

 

 

 

Բաժիններ
Ուղիղ
Լրահոս
Որոնում