ՌԴ նախագահ Վլադիմիր Պուտինը Սանկտ-Պետերբուրգում հունիսի 25-ին հանդիպում կունենա Բելառուսի նախագահ Ալեքսանդր Լուկաշենկոյի հետ, որի ընթացքում կքննարկվեն երկկողմ հարաբերությունները և ռազմավարական գործընկերությունը։ Այդ մասին հայտնում է Կրեմլի մամուլի ծառայությունը։
«Նախատեսվում է քննարկել ռազմավարական գործընկերության և դաշինքի երկկողմ հարաբերությունների հետագա զարգացման, ինչպես նաև՝ ինտեգրացիոն գործընթացների խթանման արդիական հարցեր»,- ասված է Կրեմլի հաղորդագրությունում։
ՌԴ նախագահի մամուլի քարտուղարն ավելի վաղ հայտարարել էր մերձմոսկովյան Զավիդովո նստավայրում Պուտինի և Լուկաշենկոյի հանդիպման մասին։ Լուկաշենկոն կմնա Զավիդովոյում երկու օր՝ հունիսի 23-ին և 24-ին։ Հանդիպման արդյունքում մամուլի հետ շփում չի նախատեսվում։ Պուտինն ու Լուկաշենկոն վերջին անգամ հանդիպել են Սոչիում՝ մայիսի վերջին։