Ռեքս Քալամյանի գլխավորությամբ բասկետբոլի Հայաստանի ազգային հավաքականի առաջին մրցավեճը նշանավորվեց տպավորիչ հաղթանակով։ Կարեն Դեմիրճյանի անվան մարզահամերգային համալիրում մեկնարկած SADA CUP միջազգային մրցաշարի առաջին տուրում Հայաստանի ազգային հավաքականը մրցեց «Թիմ ԱՄՆ»-ի հետ ու առավելության հասավ խոշոր 94։59 հաշվով։ Հանդիպման լավագույն խաղացող ճանաչվեց Անդրե Սպայթ Մկրտչյանը՝ վաստակելով 33 միավոր: Նա նաև 5 անգամ տիրեց օղակից անդրադարձող գնդակին և կատարեց 11 արդյունավետ փոխանցում: Նշենք, որ երեկվա խաղին չմասնակցեց Հայաստանի ազգային հավաքականի առաջատար Քրիս Ջոնսը։ Լիոնի ԱՍՎԵԼ-ի կազմում նա մասնակցում է Ֆրանսիայի չեմպիոնական սերիային։ Ջոնսը ազգային թիմին կմիանա փոքր երկրների Եվրոպայի առաջնությանն ընդառաջ։ Հաշվի երեկվա խաղում մեր հավաքականի ցույց տված խաղն ու պոտենցլաւ կարող ենք ասել, որ Հայաստանի ազգային հավաքականը կարող է բարձր արդյունքի հասնել փոքր երկրների Եվրոպայի առաջնությունում։ «Այս խաղում մենք իսկապես մեծ աշխատանք կատարեցինք: Գործեցինք, ինչպես մեծ, իսկական թիմ: Ուրախ եմ գրանցված արդյունքի համար, որովհետև թիմային աշխատանք էր:
Անդրե Սփայթ-Մկրտչյանը պարզապես անգերազանցելի էր, մյուս խաղացողները ևս բարձր մակարդակի վրա էին»,-«Արմենպրես»-ի թղթակցի հետ զրույցում նման կարծիք է հայտնել Քալամյանը: Փոքր երկրների Եվրոպայի առաջնությունում Հայաստանի հավաքականը B ենթախմբում է, որտեղ կհանդիպի Սան Մարինոյի և Ջիբրալթարի ընտրանիների հետ: Առաջնությունը կանցկացվի հունիսի 28-ից հուլիսի 3-ը, Մալթայի Տա-Քալի քաղաքում։2016 թվականին բասկետբոլի Հայաստանի տղամարդկանց հավաքականն առաջին անգամ մասնակցելով բասկետբոլի Եվրոպայի փոքր երկրների առաջնությանը` դարձել էր մրցաշարի չեմպիոն: Մեր ազգային թիմը իրավունք էր ստացել մասնակցելու Եվրոպայի առաջնության ընտրական փուլին։ Այս մրցաշարում Հայաստանի հավաքականը փալյուն ելույթով աչքի ընկավ մեր երկրում առաջացնելով բասկետբոլային բում։ Մասնավորապես խորվաթ մասնագետ Նիկշկա գլխավոժրությամբ Հայաստանի հավաքականը խմբային փուլում հաղթել էր այպիսի հավաքականների ինչպիսիք են Սլովակիան և Շվեդիան։ 2018 թվականին էլ Հայաստանի հավաքականը հաղթահարեց Եվրոպայի առաջնության նախընտրական առաջին փուլումը։ Մեր ազգային թիմն առավելության էր հասել Ալբանիայի նկատմամբ և զիջել Դանիային։ Այն ժամանակ չստանալով պատշաճ աջակցություն մեր հավաքականը չմասնակցեց Եվրոպայի առաջնության ընտրական երկրորդ փուլին։ 4 տարի անց ունենք նոր և մարտունակ հավաքական, որը կարծում ենք կարող է գոնե կրկնել տարիներ առաջ գրանցված հաջողությունները։ Ավելի ստույգ Ռեքս Քալամյանի գլխավորությամ ունենք հնարավորություն կրկին վերադառնալու բարձր բասկետբոլային հարթակ։
Երեկ համոզվեցինք, որ մեր երկրում հետաքրությունը բավական մեծ է այս մարզաձևի նկատմամբ։ Հաղթական մրցավեճին մարզահամերգային համալիրում ներկա էր մոտ 4 հազար մարզասեր։ Նշենք, որ մեր երկրում բասկետբոլային մրցավեճին երբեէ այս քանակության երկրպագուներ ներկա չէին գտնվել։ Այս տեսանկյունից երեկվա հանդիպումը կարելի է համարել աննախադեպ։ Հայաստանի ազգային հավաքականը վերելքի շրջանում ելույթ էր ունենում «Միկա» մարզադահլիճում որը տեղավորում է մոտ երկու հազար հանդիսական։ Այն ժամանակ հազարավոր երկրպագուներ հնարավորություն չէին ունենում իրենց սիրելի հավաքականին երկրպագել մարզադահլիճից։ Կասկածից վեր է, որ ընտրական մրցաշարերում Հայաստանի հավաքականը Մարզահամերգային համալիրում ելույթ կունենա լեփ լեցուն տրիբունաների ներքո։
Վաղը ժամը 19-ին Ռեքս Քալամյանի գլխավորությամբ մեր հավաքականը երկրորդ հանդիպումը կանցկացնի SADA CUP-ի շրջանակներում մրցելով Իրանի հետ։ Հունիսի 26-ին էլ մեր ընտրանին վերջին մրցավեճը կանցկացնի Մալթա մեկնելուց առաջ։ Այդ օրը Հայաստանի հավաքականի մրցակիցը կլինի Սիրիան։