Իմպիչմենտի գործիքն այս փուլում իրատեսական չեմ համարում։ Նման հայտարարությամբ է հանդես եկել «Հայրենիք» կուսակցության նախագահ Արթուր Վանեցյանը։
Հիշեցնենք, որ Նիկոլ Փաշինյանին իմպիչմենտ հայտարարելու հնարավոր գործիքակազմի կիրառման մասին հայտարարել է ԱԺ ընդդիմադիր փոխխոսնակ, «Դիմադրություն» շարժման համակարգող Իշխան Սաղաթելյանը՝ նշելով, որ օգոստոսին լրանում է Փաշինյանի նշանակման մեկ տարին։
«Հրապարակին» տված հարցազրույցում Ա. Վանեցյանը պնդել է, որ «Դիմադրություն» շարժման հետ չունեն որեւէ տարաձայնություն՝ բարձրացված նպատակների հարցում, այլ հարց է դրան հասնելու համար ունեն մարտավարության առումով որոշակի տարբեր մոտեցումներ։
«Նիկոլ Փաշինյանը նման է մի հանցագործի, ով իր կողքի բոլոր մարդկանց դրդում է հանցագործության, որ հանկարծ ինքը մենակ չդատվի»,- նշել է Ա. Վանեցյանն ու նկատել, որ ստեղծված իրավիճակը նման է սպանության դեպքի վայրի,որտեղ գտնվող բոլորին ստիպում են կրակել զոհի վրա, որ վաղը բոլորով դատվեն սպանության համար։
«Իմ տպավորությամբ՝ Նիկոլ Փաշինյանն այսօր բոլորին դարձրել է իրեն մեղսակից ու նրանք տեղ չունեն փախչելու»,- հայտարարել է Ա. Վանեցյանը